റിലയൻസ്​ റീടെയിലിൽ വീണ്ടും നിക്ഷേപം

ന്യൂഡൽഹി: മുകേഷ്​ അംബാനിയുടെ ഉടമസ്ഥതയിലുള്ള റിലയൻസ്​ ഇൻഡസ്​ട്രീസിൽ വീണ്ടും നിക്ഷേപം. 7350 കോടി രൂപയുടെ നിക്ഷേപമാണ്​ കമ്പനിയുടെ റീടെയിൽ വിഭാഗത്തിൽ ഉണ്ടായത്​. സിംഗപ്പൂർ കേന്ദ്രമാക്കി പ്രവർത്തിക്കുന്ന ​​വെൽത്ത്​ ഫണ്ട്​ ജി.ഐ.സി, നിക്ഷേപം സ്ഥാപനം ടി.പി.ജി തുടങ്ങിയവയാണ്​ റിലയൻസ്​ റീടെയിലിൽ പണമിറക്കിയത്​.

ഇതിൽ ജി.ഐ.സി 5,512.5 കോടിയും ടി.പി.ജി 1,837.5 കോടിയും നിക്ഷേപിച്ചു. നിക്ഷേപത്തോടെ റിലയൻസ്​ റീടെയിലിൻെറ ഓഹരി മൂല്യം 4.285 ലക്ഷം കോടിയായി ഉയർന്നു.

ഒക്​ടോബർ ഒന്നിന്​ അബുദബിയിൽ നിന്നുള്ള നിക്ഷേപസ്ഥാപനമായ മുദാബാല 6,247.5 കോടി നിക്ഷേപിച്ചിരുന്നു. 1.4 ശതമാനം ഓഹരിയാണ്​ മുദാബല വാങ്ങിയത്​. യു.എസിൽ നിന്നുള്ള സിൽവർലേക്കും റിലയൻസ്​ റീടെയിലിൽ നിക്ഷേപം നടത്തിയിരുന്നു.