ക്ഷേത്രത്തിൽ കയറി വെള്ളം കുടിച്ച മുസ്​ലിം ബാലന്​ ക്രൂരമർദനം; ഒരാൾ അറസ്റ്റിൽ

ലഖ്​നോ: ഉത്തർപ്രദേശിൽ ക്ഷേത്രത്തിൽ കയറി വെള്ളം കുടിച്ചതിന്​ മുസ്​ലിം ബാലന്​​ ക്രൂരമർദനം. സംഭവത്തിന്‍റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ അക്രമിയെ പൊലീസ്​ അറസ്റ്റ്​ ചെയ്​തു. ബിഹാർ സ്വദേശിയായ ശ്രിങ്കി നന്ദൻ യാദവിനെയാണ്​ പൊലീസ്​ അറസ്റ്റ്​ ചെയ്​തത്​.

കുട്ടിയുടെ പേര്​ ചോദിക്കുന്നതും തുടർന്ന്​ ക്രൂരമായി മർദിക്കുന്നതും വിഡിയോയിൽ കാണാം. ബിഹാറിലെ ബഗൽപുർ സ്വദേശിക്കാണ്​ മർദനമേറ്റത്​.

പ്രതി ആദ്യം കുട്ടിയുടെ പേരും പിന്നീട്​ പിതാവിന്‍റെ പേരും ചോദിച്ചു. തുടർന്ന്​ ക്ഷേത്രത്തിൽ കയറിയത്​ എന്തിനാണെന്നായിരുന്നു​ പ്രതിയുടെ ചോദ്യം. ​വെള്ളം കുടിക്കാൻ പോയതാണെന്ന മറുപടി ലഭിച്ചതോടെ ബാലനെ ക്രൂരമായി മർദ്ദിക്കുന്നതും വിഡിയോയിലുണ്ട്​.

വിഡിയോയുടെ അടിസ്​ഥാനത്തിൽ പ്രതിയെ അറസ്റ്റ്​ ചെയ്​ത്​ എഫ്​.ഐ.ആർ രജിസ്റ്റർ ചെയ്​തതായും അന്വേഷണം ആരംഭിച്ചതായും പൊലീസ്​ പറഞ്ഞു.