എട്ടുവയസ്സുകാരിയെ പീഡിപ്പിച്ചയാളെ നാട്ടുകാർ തല്ലിക്കൊന്നു

ഗാസിയാബാദ്​: എട്ടുവയസ്സുകാരിയെ പീഡിപ്പിച്ചയാൾ നാട്ടുകാരുടെയും കുടുംബാംഗങ്ങളുടെയും മർദനമേറ്റ്​ മരിച്ചു. ഉത്തർപ്രദേശിലെ ഗാസിയാബാദിന്​ സമീപം ലോണിയിലാണ്​ സംഭവം.

ജിതേന്ദ്ര എന്നയാളാണ്​ മരിച്ചത്​. പീഡനവിവരം പെൺകുട്ടി വീട്ടുകാരെ അറിയിച്ചതിനെതുടർന്ന്​ നാട്ടുകാർ സംഘടിച്ചെത്തി മർദിക്കുകയായിരുന്നു. ജിതേന്ദ്രയെ മർദിച്ച നാലുപേർക്കെതിരെ കേസെടുത്തിട്ടുണ്ട്​. രണ്ട്​ പേരെ അറസ്​റ്റ്​ ചെയ്​തു.