Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightസാധനം വാങ്ങാൻ പുറത്തു...

സാധനം വാങ്ങാൻ പുറത്തു പോയ യുവാവ് വീട്ടിൽ​ തിരിച്ചെത്തിയത്​ ഭാര്യയുമായി

text_fields
bookmark_border
സാധനം വാങ്ങാൻ പുറത്തു പോയ യുവാവ് വീട്ടിൽ​ തിരിച്ചെത്തിയത്​ ഭാര്യയുമായി
cancel

ഗാസിയബാദ്​: വീട്ടിലേക്ക്​ ആവശ്യമായ സാധനം വാങ്ങാനായി പോയ ഗാസിയാബാദ്​ സ്വദേശിയായ ഗുഡ്ഡു എന്ന യുവാവ്​ വീട്ടിൽ തിരിച്ചെത്തിയപ്പോൾ കൈയിൽ സാധനങ്ങൾ മാത്രമായിരുന്നില്ല, ഒരു പെൺകുട്ടിയുടെ വളയിട്ട കൈകൾ കൂടിയുണ്ടായിരുന്നു. സ ാധനം വാങ്ങാൻ പോയ മകൻ ‘വിവാഹിതനായി’ തിരിച്ചു വന്നതു കണ്ടതോടെ മാതാവി​ന്​ നിയന്ത്രണം കൈവിട്ടു. മകനേയും ഭാര്യയ േയും വീട്ടിൽ കയറാൻ അനുവദിക്കില്ലെന്ന്​ വാശി പിടിച്ച മാതാവ്​ ഒടുവിൽ പരാതിയുമായി പൊലീസ്​ സ്​റ്റേഷനിലുമെത്തി. ഉത്തർപ്രദേശിലെ സാഹിദബാദിലാണ്​ സംഭവം.

‘‘ഞാൻ സാധനം വാങ്ങിക്കാനാണ്​ അവനെ വിട്ടത്​. പക്ഷെ അവൻ തിരിച്ചു വന്നത്​ അവ​​​െൻറ ഭാര്യയേയുംകൊണ്ടാണ്​. ഈ വിവാഹം അംഗീകരിക്കാൻ ഞാൻ തയാറല്ല.’’ -കണ്ണീർ തുടച്ചുകൊണ്ട്​ മാതാവ്​ പറഞ്ഞു.

രണ്ട്​ മാസം മുമ്പ്​ ഹരിദ്വാറിലെ ആര്യസമാജ മന്ദിരത്തിൽ വെച്ചാണ്​ ഗ​ുഡ്ഡുവി​​​െൻറ വിവാഹം കഴിഞ്ഞത്​. എന്നാൽ സാക്ഷികളില്ലാത്തതു കാരണം ഇവർക്ക്​ വിവാഹ സർട്ടിഫിക്കറ്റ്​ ലഭിച്ചിരുന്നില്ല. ഒരിക്കൽ കൂടി ഹരിദ്വാറിലേക്ക്​ പോകാൻ തീരുമാനിച്ചെങ്കിലും അതിനിടെ ലോക്​ഡൗൺ പ്രഖ്യാപിച്ചു. ലോക്​ഡൗൺ കഴിയുന്നതോടെ വിവാഹ സർട്ടിഫിക്കറ്റ്​ ലഭിക്കുമെന്നാണ്​ ഇവർ പ്രതീക്ഷിക്കുന്നത്​.

ഭാര്യ സവിതയെ ഇപ്പോൾ വീട്ടിലേക്ക്​ കൊണ്ടുവരാൻ ഗുഡ്ഡുവിനെ നിർബന്ധിതനാക്കിയതും ലോക്​ഡൗൺ ആണ്​​. ലോക്​ഡൗണിനെ ത​ുടർന്ന്​ സവിതയോട്​ ഡൽഹിയിൽ​ അവർ വാടകക്ക്​ താമസിക്കുന്നിടത്തു നിന്ന്​ ഒഴിയാൻ കെട്ടിട ഉടമസ്ഥൻ ആവശ്യപ്പെടുകയും അവിടെ തുടരാൻ സാധിക്കാതെ വന്നതിനെ തുടർന്ന്​ യുവാവ്​ ഭാര്യയെ വീട്ടിലേക്ക്​ കൂട്ടിക്കൊണ്ടു വരികയുമായിരുന്നു. ദമ്പതികളെ വാടക വീട്ടിൽ താമസിക്കാൻ അനുവദിക്കണമെന്ന്​ സാഹിദബാദ്​ പൊലീസ്​ കെട്ടിട ഉടമയോട്​ ആവശ്യ​പ്പെട്ടിട്ടുണ്ട്​.

Show Full Article
TAGS:lockdown sahidabad india news malayalam news 
News Summary - Ghaziabad Man Goes Out For Groceries Returns Home With Wife -india news
Next Story