ബി.ജെ.പിയിൽ ചേർന്നതോടെ അന്വേഷണങ്ങളെ പേടിക്കാതെ നല്ല ഉറക്കം ലഭിക്കുന്നു - മുൻ കോൺഗ്രസ്​ എം.എൽ.എ

പുണെ: ബി.ജെ.പിയിൽ ചേർന്നതോടെ അന്വേഷണങ്ങളെ പേടിക്കാതെ നല്ല ഉറക്കം ലഭിക്കുന്നതായി മുൻ കോൺഗ്രസ്​ എം.എൽ.എ ഹർഷവർധൻ പാട്ടീൽ. പുണെയിലെ മാവലിൽ പൊതു പരിപാടിയിൽ സംസാരിക്കുകയായിരുന്നു അദ്ദേഹം.'ഞങ്ങൾക്ക്​ ബി.ജെ.പിയിലേക്ക്​ ​പോകേണ്ടിവന്നു. അദ്ദേഹം എന്താണ്​ ബി.ജെ.പിയിൽ ചേർന്നതെന്ന്​ ചോദിച്ചു (ത​െൻറ സമീപത്ത്​ ഇരുന്നയാളെ നോക്കിക്കൊണ്ട്​ ഹർഷവർധൻ പറഞ്ഞു) ഞാൻ പറഞ്ഞു നിങ്ങളുടെ നേതാവി​േനാട്​ ചോദിക്കണമെന്ന്​. ഇവിടെ എല്ലാം സമാധാനപരമായാണ്​ പോകുന്നത്​. അന്വേഷണങ്ങൾ ഇല്ലാത്തതിനാൽ ഇപ്പോഴെനിക്ക്​ നല്ല ഉറക്കം ലഭിക്കുന്നുണ്ട്'-​ഹർഷവർധൻ പാട്ടീൽ പറയുന്നു.

പുണെ ജില്ലയിലെ ഇന്ദാപൂരിൽ നിന്നുള്ള മുൻ കോൺഗ്രസ്​ എം.എൽ.എ ആയ പാട്ടീൽ 2019 മഹാരാഷ്ട്ര നിയമസഭാ തിരഞ്ഞെടുപ്പിന് മുമ്പ്​ കോൺഗ്രസ് വിട്ട് ബിജെപിയിൽ ചേരുകയായിരുന്നു. സെൻട്രൽ ബ്യൂറോ ഓഫ് ഇൻവെസ്റ്റിഗേഷൻ, എൻഫോഴ്സ്മെൻറ്​ ഡയറക്​ടറേറ്റ്, നാർക്കോട്ടിക്​സ്​ കൺട്രോൾ ബ്യൂറോ തുടങ്ങിയ കേന്ദ്ര ഏജൻസികളെ സർക്കാർ ദുരുപയോഗം ചെയ്യുന്നതായി എൻ.സി.പി നേതാവ്​ ശരത് പവാർ കഴിഞ്ഞ ദിവസം ആരോപിച്ചിരുന്നു.

കേന്ദ്ര ഏജൻസികൾ സ്വയം പ്രതിരോധിക്കുന്നതിനുപകരം എന്തുകൊണ്ടാണ് ബിജെപി നേതാക്കൾ വിവിധ ആരോപണങ്ങളിൽ നിന്ന് കേന്ദ്ര ഏജൻസികളെ രക്ഷിക്കാൻ ശ്രമിച്ചതെന്നും പവാർ ചോദിച്ചു. ഇതിനുപിന്നാലെയാണ്​ ബി.ജെ.പി നേതാവി​െൻറ വിവാദ പ്രസ്​താവന പുറത്തുവന്നത്​.