Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightമാർച്ച്​ 18 മുതൽ ഡൽഹി...

മാർച്ച്​ 18 മുതൽ ഡൽഹി വിമാനത്താവളത്തി​ൽ കഴിഞ്ഞ ജർമ്മൻ പൗരൻ ആംസ്​റ്റർഡാമിലേക്ക്​ തിരിച്ചു

text_fields
bookmark_border
മാർച്ച്​ 18 മുതൽ ഡൽഹി വിമാനത്താവളത്തി​ൽ കഴിഞ്ഞ ജർമ്മൻ പൗരൻ ആംസ്​റ്റർഡാമിലേക്ക്​ തിരിച്ചു
cancel

ന്യൂഡൽഹി: ഇസ്​താംബുൾ യാത്രക്കിടെ ഡൽഹിയിലിറങ്ങിയ ജർമ്മൻ പൗരൻ വിമാനത്താവളത്തി​​െൻറ ട്രാൻസിറ്റ്​ ഏരിയയിൽ കഴിഞ്ഞത്​ 55 ദിവസം. മാർച്ച്​ 18 മുതൽ ഡൽഹി വിമാനത്താവളത്തി​​െൻറ ട്രാൻസിറ്റ്​ ഏരിയയിൽ കഴിഞ്ഞ എഡ്​ഗാർഡ്​ സീബാർട്ട്​ എന്ന യുവാവ്​ ചൊവ്വാഴ്​ച പുലർച്ചെയുള്ള വിമാനത്തിൽ ആംസ്​റ്റർഡാമിലേക്ക്​ തിരിച്ചു. ഇന്ത്യൻ വിസയില്ലാത്തതിനാൽ വിമാനത്താവളത്തിന് പുറത്തു പോകാൻ അനുവാദമില്ലാത്തതിനാൽ 55 ദിവസമാണ്​ ഇന്ദിരഗാന്ധി രാജ്യാന്തരവി മാനത്താവളത്തിൻെറ ടി3 ട്രാൻസിറ്റ്​ ഏരിയയിൽ സീബാർട്ട്​ കഴിഞ്ഞത്​. 

ഹനോയിയിൽ നിന്നും ഇസ്​താബൂളിലേക്കുള്ള യാത്രാമധ്യേ ട്രാൻസിറ്റ്​ പാസഞ്ചറായി എഡ്​ഗാർഡ്​ സീബാർട്ട്​  ഡൽഹിയിൽ എത്തു​​േമ്പാഴേക്കും തുർക്കിയിലേക്കുള്ള വിമാന സർവീസുകൾ ഇന്ത്യ റദ്ദാക്കിയിരുന്നു. കോവിഡ്​ വ്യാപനത്തി​​െൻറ പശ്ചാത്തലത്തിൽ നാലു ദിവസങ്ങൾക്ക്​ ശേഷം എല്ലാ അന്താരാഷ്​ട്ര സർവീസുകളും ഇന്ത്യ നിർത്തിവെച്ചു. ഇതോടെ വിമാനത്താവളത്തിൽ കുടുങ്ങിയ സീബാർട്ടിന്​ ട്രാൻസിറ്റ്​ ഏരിയയിൽ തന്നെ കഴിയേണ്ടി വരികയായിരുന്നു. 

ഇന്ത്യൻ വിസക്ക്​ അപേക്ഷിക്കാതിരുന്നതിനാൽ അധികൃതർ സീബാർട്ടിന്​ ഇന്ത്യ വിടാനുള്ള നോട്ടീസ്​  നൽകിയിരുന്നു. വിമാന സർവീസ്​ ലഭിക്കുന്ന മുറക്ക്​ ഇന്ത്യ വിടുമെന്ന്​ സീ​ബാർട്ട്​ രേഖാമൂലം ഉറപ്പ്​ നൽകിയിരുന്നു. കഴിഞ്ഞ ആഴ്​ച അങ്കാറയിലേക്കുള്ള തുർക്കി വിമാനത്തിൽ സീബാർട്ടിന്​ കയറ്റിവിടാൻ ഇന്ത്യൻ അധികൃതർ ശ്രമിച്ചിരുന്നു. എന്നാൽ,  കോവിഡ്​ വ്യാപനത്തി​​െൻറ പശ്ചാത്തലത്തിൽ തുർക്കി പൗരൻമാരെ മാത്രമേ കൊണ്ടു പോകാൻ അനുമതിയുള്ളൂ എന്ന്​ ഉദ്യോഗസ്ഥർ അറിയിക്കുകയായിരുന്നു. 

ഡൽഹിയിലുള്ള ജർമ്മൻ എംബസി എഡ്​ഗാർഡ്​ സീബാർട്ടിന്​ ജർമ്മനിയിലേക്ക്​ തിരിച്ചു പോകാനുള്ള അനുമതി നൽകാമെന്ന്​ അറിയിച്ചെങ്കിലും അദ്ദേഹമത്​ നിരസിക്കുകയായിരുന്നു. 

ചൊവ്വാഴ്​ച പുലർച്ചെ മൂന്നുമണിയോടെ 292 യാത്രക്കാരുമായി ആംസ്​റ്റർഡാമിലേക്ക്​ പറന്നുയർന്ന വിമാനത്തിൽ എഡ്​ഗാഡ്​ സീ​ബാർട്ടും യാത്ര തിരിച്ചു. യൂറോപ്പിലേക്ക്​ യാത്ര ചെയ്യാനുള്ള അനുമതി ഉള്ളതിനാൽ ആംസ്​റ്റർഡാമിലേക്ക്​​ അദ്ദേഹം ടിക്കറ്റ് ബുക്ക്​ ചെയ്യുകയായിരുന്നു. കോവിഡ്​ പരിശോധനക്ക്​ ശേഷമാണ്​ സീബാർട്ട്​ ഇന്ത്യ വിട്ടത്​. ഇന്ത്യൻ വിസയോടെ ഡൽഹിയിലേക്ക്​ തിരിച്ചു വരാൻ ആഗ്രഹിക്കുന്നുണ്ടെന്ന്​ സീബാർട്ട്​ ഹിന്ദുസ്ഥാൻ ടൈംസിനോട്​ പ്രതികരിച്ചു. ​

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:delhi airportindia newsAmsterdamGerman man#Covid19
News Summary - German man living at Delhi airport since March 18 leaves for Amsterdam on a relief flight - India news
Next Story