നടി ഗീത കപൂറിനെ ആശുപത്രിയിൽ ഉ​പേക്ഷിച്ച്​ മകൻ മുങ്ങി

മുംബൈ: ഹിന്ദി നടി ഗീത കപൂറിനെ ചികിത്സക്ക്​ ആശുപത്രിയിലെത്തിച്ച്​ മകൻ മുങ്ങി. ആരോഗ്യസ്​ഥിതി വഷളായിട്ടും മകനെയോ മകളെ​േയാ ബന്ധപ്പെടാൻ ആശുപത്രി അധികൃതർക്ക്​ സാധിച്ചില്ല.  ‘പകീസ’ ഉൾപ്പെടെയുള്ള സിനിമകളിലൂടെ പ്രശസ്​തയായ നടിയുടെ ദൈന്യകഥ അറിഞ്ഞ സെൻസർ ബോർഡ്​ അംഗം അശോക്​ പണ്ഡിറ്റാണ്​ ഒടുവിൽ ആശുപത്രി ബിൽ അടച്ചത്​.  ഏപ്രിൽ 21നാണ്​ മകൻ രാജ, ഗീത കപൂറിനെ എസ്​.ആർ.വി ആശുപത്രിയിൽ എത്തിച്ചത്​. രക്​തസമ്മർദം തീരെ കുറഞ്ഞതായിരുന്നു പ്രശ്​നം.

ചികിത്സക്ക്​ നിശ്ചിത തുക​ കെട്ടിവെക്കണമെന്ന്​ ആശുപത്രി അധികൃതർ രാജയോട്​ ആവശ്യപ്പെട്ടിരുന്നു. എ.ടി.എമ്മിൽനിന്ന്​ പണം എടുക്കാനെന്ന്​ പറഞ്ഞ്​ പുറത്തു​േപായ ഇയാൾ പിന്നീട്​ തിരിച്ചുവന്നില്ല. ഗീതയുടെ ആരോഗ്യസ്​ഥിതി മോശമായ​േതാടെ രാജയെ ഫോണിൽ ബന്ധപ്പെടാൻ ശ്രമിച്ചിട്ടും കിട്ടിയില്ല. പിന്നീട്​ നടിയുടെ മകൾ പൂജയെയും ബന്ധപ്പെടാൻ ശ്രമിച്ചു. പലതവണ വിളിച്ചപ്പോഴും നമ്പർ തെറ്റാണെന്ന്​ പറഞ്ഞ്​ അവർ ഫോൺ കട്ട്​ചെയ്​തു. മക​ൻ​ പലപ്പോഴും മർദിക്കുകയും ഭക്ഷണം നൽകാതെ മുറിയിൽ പൂട്ടിയിടുകയും ചെയ്യാറുണ്ടെന്ന്​ ഗീത കപൂർ പറഞ്ഞു.

നാലുദിവസം കൂട​ുേമ്പാഴാണ്​ ഭക്ഷണം ലഭിക്കുന്നത്​. വൃദ്ധസദനത്തിലേക്ക്​​ മാറാൻ മകൻ പലപ്പോഴും നിർബന്ധിച്ചതായും ആരോഗ്യസ്​ഥിതി മോശമായപ്പോഴാണ്​ ആശുപത്രിയിൽ എത്തിച്ച​തെന്നും ഗീത കപൂർ പറഞ്ഞു. രാജക്കെതി​െര ആശുപത്രി അധികൃതർ പൊലീസിൽ പരാതി നൽകി​.