ബ്രി​ഗേ​ഡി​യ​ർ ല​ക്​​വി​ന്ദ​ർ സി​ങ്​ ലി​ഡ്ഡ​ർ​ക്ക്​ ക​ണ്ണീ​രി​ലും പതറാ​തെ വി​ട ന​ൽ​കി പ​ത്​​നിയും മ​ക​ളും

ന്യൂ​ഡ​ൽ​ഹി: ''അ​ദ്ദേ​ഹ​ത്തി​ന്​ മി​ക​​​ച്ചൊ​രു യാ​ത്രാ​മൊ​ഴി​ത​ന്നെ ന​ൽ​ക​ണം, പു​ഞ്ചി​രി​യോ​ടെ​യു​ള്ള വി​ട​പ​റ​ച്ചി​ൽ'' -വാ​ക്കു​ക​ൾ ഇ​ട​റി​പ്പോ​കാ​തെ, മ​ക​ളെ​യും ചേ​ർ​ത്തു​പി​ടി​ച്ച്​ ബ്രി​ഗേ​ഡി​യ​ർ ല​ഖ്​വി​ന്ദ​ർ സി​ങ്​ ലി​ഡ്ഡ​റു​ടെ പ്രി​യ​പ​ത്​​നി ഗീ​തി​ക ലി​ഡ്ഡ​ർ പ​റ​യു​ന്നു. കു​ന്നൂ​ർ ഹെ​ലി​കോ​പ്​​ട​ർ ദു​ര​ന്ത​ത്തി​ൽ ജീ​വ​ൻ​പൊ​ലി​ഞ്ഞ 52കാ​ര​നാ​യ ലി​ഡ്ഡ​റു​ടെ മൃ​ത​ദേ​ഹം സം​സ്​​കാ​ര​ത്തി​നാ​യി ഡ​ൽ​ഹി ബ്രാ​ർ സ്​​ക്വ​യ​ർ ശ്​​മ​ശാ​ന​ത്തി​ൽ എ​ത്തി​ച്ച​പ്പോ​ൾ വേദന കടിച്ചമർത്തിയാണ്​ പ​ത്​​നി ഗീ​തി​ക​യും 17കാരി മ​ക​ൾ ആ​ഷ്​​ന​യും ച​ട​ങ്ങു​ക​ൾ നി​ർ​വ​ഹി​ച്ച​ത്.

എന്നാൽ ഇടക്ക്​, ദേ​ശീ​യ​പ​താ​ക​യി​ൽ പൊ​തി​ഞ്ഞ പേ​ട​ക​ത്തി​ൽ കെ​ട്ടി​പ്പി​ടി​ച്ച്​ ഭാ​ര്യ ഗീ​തി​ക പൊ​ട്ടി​ക്ക​ര​ഞ്ഞ​ത്​ ക​ണ്ടു​നി​ന്ന​വ​രു​ടെ ക​ണ്ണു​ന​ന​യി​ച്ചു. മാ​താ​വി​നെ പി​ടി​ച്ചു​മാ​റ്റാ​ൻ ശ്ര​മി​ക്കു​േ​മ്പാ​ൾ ആ​ഷ്​​ന​ക്കും ആ​ത്മ​നി​യ​ന്ത്ര​ണം വി​ട്ടു. പ​ല​ത​വ​ണ ക​ണ്ണീ​രു​വീ​ണെ​ങ്കി​ലും പ​ത​റാ​തെ, ആ​ഷ്​​ന​യേ​യും ചേ​ർ​ത്തു​പി​ടി​ച്ച്​ പ്രി​യ​ത​മ​െൻറ ശ​വ​മ​ഞ്ച​ത്തി​ന​രി​കി​ൽ ഗീ​തി​ക ഇ​രു​ന്നു. നി​റ​ഞ്ഞൊ​ഴു​കു​ന്ന ക​ണ്ണു​ക​ളോ​ടെ ആ​ഷ്​​ന ഒ​രു കൈ ​റോ​സാ​പ്പൂ​വെ​ടു​ത്ത്​ പി​താ​വി​െൻറ പേ​ട​ക​ത്തി​നു​മേ​ൽ വി​ത​റി.

''അ​സാ​ധാ​ര​ണ ജീ​വി​ത​ത്തി​നു​ട​മ​യാ​യി​രു​ന്നു അ​ദ്ദേ​ഹം... എ​ല്ലാ​വ​ർ​ക്കും അ​ത​റി​യാം. അ​ദ്ദേ​ഹ​ത്തി​ന്​ വി​ട ന​ൽ​കാ​ൻ എ​ത്ര പേ​രാ​ണ്​ വ​ന്നി​രി​ക്കു​ന്ന​ത്. എ​ല്ലാ​വ​രാ​ലും സ്​​നേ​ഹി​ക്ക​പ്പെ​ട്ട ജീ​വി​ത​മാ​യി​രു​ന്നു അ​ദ്ദേ​ഹ​ത്തി​േ​ൻ​റ​ത്. ഞാ​നൊ​രു പ​ട്ടാ​ള​ക്കാ​ര​െൻറ ഭാ​ര്യ​യാ​ണ്. എ​ങ്കി​ലും അ​ഭി​മാ​ന​ത്തേ​ക്കാ​ൾ മു​ക​ളി​ലാ​ണ്​ സ​ങ്ക​ടം. ജീ​വി​തം വ​ള​രെ നീ​ണ്ട​താ​യി​രി​ക്കും ഇ​നി​യ​ങ്ങോ​ട്ട്. ദൈ​വ​ഹി​തം ഇ​താ​ണെ​ങ്കി​ൽ ഈ ​ന​ഷ്​​ട​വു​മാ​യി ഞ​ങ്ങ​ൾ ജീ​വി​ക്കും.'' -ഗീ​തി​ക വി​വ​രി​ച്ചു.

ആ​ഷ്​​ന ദുഃ​ഖം ക​ടി​ച്ച​മ​ർ​ത്തി, ശാ​ന്ത​ത​യോ​ടെ അ​മ്മ​യെ ആ​ശ്വ​സി​പ്പി​ക്കു​ന്ന​തും കാ​ണാ​മാ​യി​രു​ന്നു. ''ഞാ​ൻ 17ാം വ​യ​സ്സി​ലേ​ക്ക്​ നീ​ങ്ങു​ക​യാ​ണ്. ഇ​ത്ര​യും വ​ർ​ഷം അ​ച്ഛ​ൻ എ​നി​ക്കൊ​പ്പ​മു​ണ്ടാ​യി​രു​ന്നു. ആ ​മ​നോ​ഹ​ര നി​മി​ഷ​ങ്ങ​ളു​മാ​യി ഞ​ങ്ങ​ൾ മു​ന്നോ​ട്ടു നീ​ങ്ങും '' -സം​സ്​​കാ​ര ച​ട​ങ്ങു​ക​ൾ​ക്കു ശേ​ഷം ആ​ഷ്​​ന മാ​ധ്യ​മ​ങ്ങ​ളോ​ടു പ​റ​ഞ്ഞു.

രാ​വി​ലെ​യാ​ണ്​ ലി​ഡ്ഡ​റു​ടെ സം​സ്​​കാ​ര ച​ട​ങ്ങു​ക​ൾ ബ്രാ​ർ സ്​​ക്വ​യ​ർ ശ്​​മ​ശാ​ന​ത്തി​ൽ ന​ട​ന്ന​ത്. പ്ര​തി​രോ​ധ മ​ന്ത്രി രാ​ജ്​​നാ​ഥ്​​സി​ങ്​, ദേ​ശീ​യ സു​ര​ക്ഷ ഉ​പ​ദേ​ഷ്​​ടാ​വ്​ അ​ജി​ത്​ ഡോ​വ​ൽ, സേ​നാ പ്ര​മു​ഖ​ർ എ​ന്നി​വ​ർ​ക്കു പു​റ​മെ ഹ​രി​യാ​ന മു​ഖ്യ​മ​ന്ത്രി മ​നോ​ഹ​ർ​ലാ​ൽ ഖ​ട്ട​റും ച​ട​ങ്ങി​ൽ പ​​ങ്കെ​ടു​ത്തു. ഹ​രി​യാ​ന​യി​ലെ പ​ഞ്ച്​​കു​ള സ്വ​ദേ​ശി​യാ​ണ്​ ലി​ഡ്ഡ​ർ.

26 സാക്ഷികളെ വിസ്​തരിച്ചതായി പൊലീസ്​

കു​ന്നൂ​ർ ഹെ​ലി​കോ​പ്ട​ർ അ​പ​ക​ട​വു​മാ​യി ബ​ന്ധ​പ്പെ​ട്ട്​ ത​മി​ഴ്​​നാ​ട്​ പൊ​ലീ​സി​ലെ പ്ര​ത്യേ​കാ​ന്വേ​ഷ​ണ സം​ഘം 26 സാ​ക്ഷി​ക​ളെ വി​സ്​​ത​രി​ച്ച​താ​യി ത​മി​ഴ്​​നാ​ട്​ ഡി.​ജി.​പി ഡോ. ​സി. ശൈ​ലേ​ന്ദ്ര​ബാ​ബു അ​റി​യി​ച്ചു. അ​പ്പ​ർ കു​ന്നൂ​ർ പൊ​ലീ​സ്​ സ്​​റ്റേ​ഷ​നി​ൽ 129/2021 ന​മ്പ​ർ പ്ര​കാ​രം ​ഐ.​പി.​സി 174 വ​കു​പ്പ്​ അ​നു​സ​രി​ച്ച്​ അ​സ്വാ​ഭാ​വി​ക മ​ര​ണ​ത്തി​നാ​ണ്​ കേ​സ് ര​ജി​സ്​​റ്റ​ർ ചെ​യ്ത​ത്. നീ​ല​ഗി​രി ജി​ല്ല എ.​ഡി.​എ​സ്.​പി മു​ത്തു​മാ​ണി​ക്ക​ത്തി​െൻറ നേ​തൃ​ത്വ​ത്തി​ലു​ള്ള പൊ​ലീ​സ്​ സം​ഘ​ത്തി​നാ​ണ്​ അ​ന്വേ​ഷ​ണ ചു​മ​ത​ല.

പി​ന്നീ​ട്​ അ​പ​ക​ട​സ്​​ഥ​ല​ത്തി​ന്​ തൊ​ട്ട​ടു​ത്ത ന​ഞ്ച​പ്പ​സ​ത്രം കോ​ള​നി​യി​ൽ താ​മ​സി​ക്കു​ന്ന 26 പേ​രെ സാ​ക്ഷി​പ്പ​ട്ടി​ക​യി​ലു​ൾ​പ്പെ​ടു​ത്തി. ഇ​വ​രു​ടെ മൊ​ഴി​യും ശേ​ഖ​രി​ച്ചു.

അ​പ​ക​ട​മു​ണ്ടാ​യ ഉ​ട​ൻ കോ​ള​നി​വാ​സി​ക​ൾ വീ​ട്ടി​ലു​ണ്ടാ​യി​രു​ന്ന പു​ത​പ്പു​ക​ളും ബെ​ഡ്​​ഷീ​റ്റു​ക​ളും ഉ​പ​യോ​ഗി​ച്ചും ബ​ക്ക​റ്റും മ​റ്റു പാ​ത്ര​ങ്ങ​ളി​ലു​മാ​യി വെ​ള്ളം കോ​രി​യൊ​ഴി​ച്ചും തീ​യ​ണ​ക്കാ​ൻ ന​ട​ത്തി​യ ശ്ര​മ​ത്തെ​യും അ​ദ്ദേ​ഹം പ്ര​കീ​ർ​ത്തി​ച്ചു. നേ​ര​ത്തെ കാ​ട്ടേ​രി ന​ഞ്ച​പ്പ​ൻ സ​ത്ര​ത്തി​ലെ കു​ടും​ബ​ങ്ങ​ൾ​ക്ക്​ പു​ത​പ്പു​ക​ളും മ​റ്റു നി​ത്യോ​പ​യോ​ഗ സാ​ധ​ന​ങ്ങ​ളും ഉ​ൾ​പ്പെ​ട്ട കി​റ്റു​ക​ൾ ഡി.​ജി.​പി വി​ത​ര​ണം ചെ​യ്​​തു.

അ​തി​നി​ടെ, കേ​ന്ദ്ര സ​ർ​ക്കാ​ർ നി​യോ​ഗി​ച്ച എ​യ​ർ​മാ​ർ​ഷ​ൽ മ​ൻ​വേ​ന്ദ​ർ സി​ങ്ങി​െൻറ നേ​തൃ​ത്വ​ത്തി​ലു​ള്ള അ​ന്വേ​ഷ​ണ​സം​ഘം ര​ണ്ടാം ദി​വ​സ​മാ​യ വെ​ള്ളി​യാ​ഴ്​​ച​യും കാ​​ട്ടേ​രി​യി​ലെ സം​ഭ​വ​സ്​​ഥ​ലം പ​രി​ശോ​ധി​ച്ചു.