ഗൗരി ല​േങ്കഷ്​ വധം: പ്രതി നവീൻകുമാർ കുറ്റം സമ്മതിച്ചുവെന്ന്​ പൊലീസ്​

ബംഗളൂരു: മുതിർന്ന പത്രപ്രവർത്തകയും ആക്​ടിവിസ്​റ്റുമായ ഗൗരി ല​േങ്കഷിനെ വധിച്ച കേസിൽ കസ്​റ്റഡിയിലുള്ള പ്രതി നവീൻകുമാർ കുറ്റം സമ്മതിച്ചതായി കർണാടക പൊലീസിലെ പ്രത്യേക അന്വേഷണ സംഘം. അന്വേഷണ ഉദ്യോഗസ്ഥർക്ക്​ മുമ്പാകെയായിരുന്നു​ ഹോ​െട്ട മഞ്​ജ എന്ന അപരനാമമുള്ള നവീ​​​െൻറ ഏറ്റുപറച്ചിൽ. 
പ്രവീൺ എന്ന കൂട്ടാളിക്കൊപ്പം ബംഗളൂരു വിജയനഗരയിലെ ആദി ചുഞ്ചനഗിരി ആശ്രമ സമുച്ചയത്തിൽനിന്നാണ്​ കൊലപാതകം ആസൂത്രണം ചെയ്​തതെന്ന്​ നവീൻ വെളിപ്പെടുത്തിയതായി പൊലീസ്​ പറഞ്ഞു.

ഇൗ സ്​ഥലവും കൊലപാതകം നടത്തിയ രീതിയും സഞ്ചരിച്ച വഴികളും പൊലീസിന്​ കാട്ടിക്കൊടുത്തു. നുണപരിശോധനക്ക്​ വിധേയനാകാമെന്ന്​ ഇയാൾ സമ്മതിക്കുകയും ചെയ്​തു. ദിവസങ്ങൾക്കുമുമ്പ്​ ബംഗളൂരു ​െമജസ്​റ്റിക്​ ഏരിയയിലെ പ്രധാന ബസ്​ ടെർമിനലിന്​ സമീപത്തുനിന്നാണ്​ പൊലീസ്​ നവീനെ പിടികൂടിയത്​. തീവ്ര ഹിന്ദു സംഘടനകളുമായി അടുത്ത ബന്ധമുള്ള ഇയാൾ ഗൗരി ല​േങ്കഷിനോട്​ കടുത്ത വിദ്വേഷം വെച്ചുപുലർത്തിയിരുന്നതായി പൊലീസ്​ പറഞ്ഞു. 

അഭി, അനി എന്നിവർക്കൊപ്പം ഇയാൾ തോക്ക്​ ഉപയോഗിക്കുന്നതിൽ പരിശീലനം നേടിയതായി തെളിവ്​ ലഭിച്ചിട്ടുണ്ട്​. കൂടാതെ, തോക്ക്​ വാങ്ങാനും വിൽക്കാനും ഇയാൾ പുണെ, മുംബൈ നഗരങ്ങൾ സന്ദർശിച്ചിട്ടുണ്ടെന്നും പൊലീസ്​ പറയുന്നു. അതേസമയം തെരഞ്ഞെടുപ്പ്​ മുന്നിൽക്കണ്ട്​ തങ്ങളെ താറടിച്ചുകാട്ടാൻ കോൺഗ്രസ്​ സർക്കാർ നവീനിനുമേൽ കുറ്റം അടിച്ചേൽപ്പിക്കുകയാണെന്ന്​ ബി.ജെ.പി ആരോപിച്ചു.