Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഗേറ്റ്​വേ ഒാഫ്​ ഇന്ത്യ ...

ഗേറ്റ്​വേ ഒാഫ്​ ഇന്ത്യ പ്രതിഷേധിക്കാനുള്ള ഇടമല്ല -അനിൽ ദേശ്​മുഖ്​

text_fields
bookmark_border
ഗേറ്റ്​വേ ഒാഫ്​ ഇന്ത്യ പ്രതിഷേധിക്കാനുള്ള ഇടമല്ല -അനിൽ ദേശ്​മുഖ്​
cancel

മുംബൈ: ഗേറ്റ്​ ഓഫ്​ ഇന്ത്യ പ്രതിഷേധിക്കാനുള്ള വേദിയല്ലെന്ന് മഹാരാഷ്​ട്ര ആഭ്യന്തരമന്ത്രി അനിൽ ദേശ്​മുഖ്​. ജെ .എൻ.യുവിലെ വിദ്യാർഥികൾക്കെതിരായ ആക്രമണത്തിനെതിരേ ഗേറ്റ് വേ ഓഫ് ഇന്ത്യക്ക് മുന്നില്‍ സംഘടിപ്പിക്കാനിരുന്ന പ് രതിഷേധം തടഞ്ഞ പൊലീസ് നടപടിയിൽ സംസാരിക്കുകയായിരുന്നു അദ്ദേഹം.

ഗേറ്റ് വേ ഓഫ് ഇന്ത്യയുടെ നടപ്പാതയില്‍ കഴിഞ ്ഞ ദിവസം രാത്രി നടന്ന പ്രതിഷേധത്തിനിടെ ‘കശ്​മീരിനെ മോചിപ്പിക്കുക’ എന്ന പോസ്​റ്റർ ഉയർത്തിയ സംഭവം അന്വേഷിക് കുമെന്നും മന്ത്രി അനിൽ ദേശ്​മുഖ്​ പറഞ്ഞു. ‘ഫ്രീ കശ്​മീർ’ എന്ന പ്ലക്കാർഡ്​ ഉയർത്തിയ വനിതയെ തിരിച്ചറിഞ്ഞിട്ടുണ്ട്​. കവയിത്രിയും ചെറുകഥാകൃത്തുമായ തേജൽ പ്രഭു എന്ന മെഹക്​ മിർസ പ്രഭുവാണ്​ കശ്​മീർ സ്വതന്ത്രമാക്കുകയെന്ന ബോർഡുയർത്തിയത്​. ഇവരെ പൊലീസ്​ ചോദ്യം ചെയ്​തതു. കശ്​മീരിലെ ഇൻറർനെറ്റ്​ മൊബൈൽ സേവനങ്ങൾ പുനഃസ്ഥാപിക്കുക എന്നതാണ്​ ഉദ്ദേശിച്ചതെന്ന്​ അവർ മൊഴി നൽകിയിട്ടുണ്ടെന്നും മന്ത്രി പറഞ്ഞു.

ഗേറ്റ്​ വേ ഒാഫ്​ ഇന്ത്യയിൽ പ്രതിഷേധിച്ച ഒരു വിദ്യാർഥിക്കെതിരെയും കേസെടുത്തിട്ടില്ല. പ്രതിഷേധക്കാരെ ആസാദ്​ മൈതാനി​േലക്ക്​ മാറ്റുകയാ​ണ്​ ചെയ്​തതെന്നും അദ്ദേഹം വിശദീകരിച്ചു.

‘ഗേറ്റ്​ വേ പിടിച്ചടക്കുക’ എന്ന പേരിൽ ഗേറ്റ്​ വേ ഒാഫ്​ ഇന്ത്യയിൽ പ്രതിഷേധിക്കാനെത്തിയ
വിദ്യാർഥികളെ പൊലീസ് ബലം പ്രയോഗിച്ച്​ നീക്കുകയായിരുന്നു. പ്രതിഷേധക്കാരെ ബസില്‍ കയറ്റി കിലോമീറ്റര്‍ അകലെയുള്ള ആസാദ് മൈതാനിയിൽ​ എത്തിക്കുകയായിരുന്നു.

ഗേറ്റ് വേ ഓഫ് ഇന്ത്യക്ക് സമീപം വലിയ പ്രതിഷേധങ്ങള്‍ക്ക് സൗകര്യമില്ലെന്നും ആസാദ് മൈതാനത്തിന് സമീപം ടോയ്‌ലെറ്റ് സൗകര്യങ്ങളും ജലലഭ്യതയുമുണ്ടെന്നും പറഞ്ഞാണ് പൊലീസ്​ പ്രതിഷേധക്കാരെ ബലപ്രയോഗത്തിലൂടെ മാറ്റിയത്. ടിസ്, മുംബൈ ഐഐടി, മുംബൈ സര്‍വകലാശാല തുടങ്ങിയ സ്ഥാപനങ്ങളിലെ വിദ്യാര്‍ഥികളാണ്​ പ്രതിഷേധത്തിനെത്തിയത്​. ഞായറാഴ്ച ജെ.എൻ.യുവില്‍ ആക്രമണം നടന്നതിന് പിന്നാലെ രാത്രി ഗേറ്റ് വേ ഓഫ് ഇന്ത്യക്ക് മുന്നില്‍ മെഴുകുതിരി പ്രകടനം സംഘടിപ്പിച്ചിരുന്നു.

Show Full Article
TAGS:JNU Violence Gateway of India maharashtra home minister india news 
News Summary - Gateway of India not a venue for protests, says Maharashtra home minister - India news
Next Story