ഗുണ്ടാ തലവൻ ചന്ദ്രുവിന്റെ കൊലപാതകം:ഏഴ് പ്രതികൾ അറസ്റ്റിൽ

മൈസൂരു: വൊണ്ടികൊപ്പയിൽ ഗുണ്ടാ തലവൻ ചന്ദ്രു എന്ന ചന്തു(45) കൊല്ലപ്പെട്ട സംഭവത്തിൽ ഏഴു പേരെ പോലീസ് അറസ്റ്റ് ചെയ്തു.കുവെമ്പു നഗറിലെ ആർ. യശ്വന്ത് എന്ന കർജൂറ (26), കടുവിനയിലെ എൻ. മഹേഷ്(23), മൈസൂരു വിനായക നഗറിലെ ആർ. പ്രീതം ഗൗഡ എന്ന ഹാലപ്പ (25), കെ.ജി. കൊപ്പൽ സ്വദേശികളായ എൻ. സുധീപ് (22), രാഘവേന്ദ്ര (21), വിനായക നഗറിലെ പ്രശാന്ത് (21), കുവെമ്പു നഗർ മൂന്നാം മൈലിലെ അരവിന്ദ് സാഗർ (26) എന്നിവരാണ് അറസ്റ്റിലായത്.

എൽവാളിലെ ഫാം ഹൗസിൽ ചന്ദ്രുവിന്റെ മരണം ആഘോഷിക്കുന്ന വേളയിലാണ് പൊലീസ് പിടികൂടിയത്.കഴിഞ്ഞ വ്യാഴാഴ്ച വൈകുന്നേരമാണ് ചന്ദ്രുവിനെ മൂന്ന് ബൈക്കുകളിലായി എത്തിയ അക്രമി സംഘം വെട്ടിക്കൊന്നത്. കൃത്യം ചെയ്ത ശേഷം ജയ് ജയ് വിളിച്ച് സ്ഥലവിടുകയും ചെയ്തു.വി.വി.പുരം പൊലീസാണ് കേസ് അന്വേഷിക്കുന്നത്.