ഗാന്ധിമാരും വാദ്രമാരും അഴിമതിയുടെ ‘ഫാമിലി പാക്കേജ്​’ -സ്​മൃതി ഇറാനി

ന്യൂഡൽഹി: രാഹുൽഗാന്ധിക്കെതിരെ ആഞ്ഞടിച്ച്​ കേന്ദ്രമന്ത്രി സ്​മൃതി ഇറാനി. ഗാന്ധിമാരും വാദ്രമാരും അഴിമതിയുടെ ‘ഫാമിലി പാക്കേജ്​’ ആണെന്ന് സ്​മൃതി ഇറാനി ആരോപിച്ചു. ചില മാധ്യമവാർത്തകളെ ഉദ്ധരിച്ചുകൊണ്ടായിരുന്നു രാഹുലിന െതിരെ സ്​മൃതിയുടെ കടന്നാക്രമണം. റോബർട്ട്​ വാ​ദ്ര ഭൂമി കുംഭകോണത്തി​​െൻറ ഒരു ഭാഗം മാത്രമാണെന്നും പിടിച്ചെടുത്ത രേഖകൾ ഇതാണ്​ തെളിയിക്കുന്നതതെന്നും സ്​മൃതി ഇറാനി വാർത്താസമ്മേളനത്തിൽ ആരോപിച്ചു.

രാഹുൽഗാന്ധിയും ആയുധ ഇടപാടുകാരൻ സഞ്​ജയ്​ ഭണ്ഡാരിയും തമ്മിലുള്ള ബന്ധം വ്യക്തമാക്കുന്ന വിവരങ്ങൾ പുറത്തു വന്നിരിക്കുകയാണ്​. അഴിമതിയുടെ യഥാർഥ മുഖമാണ്​ രാഹുൽഗാന്ധിയുടേത്​. ഇക്കാര്യങ്ങൾ രാഹുൽ വാർത്താസമ്മേളനം വിളിച്ചു​ചേർത്ത്​ വിശദീകരിക്കണമെന്നും സഞ്​ജയ്​ ഭണ്ഡാരിയുമായുള്ള ബന്ധത്തെ കുറിച്ച്​ വ്യക്തമാക്കണമെന്നും സ്​മൃതി പറഞ്ഞു.

കോൺഗ്രസ്​ കഴിഞ്ഞ 70 വർഷത്തോളമായി അഴിമതി മാത്രമാണ്​ രാജ്യത്തിന്​ നൽകിയത്​. ഗാന്ധി-വാദ്ര കുടുംബം രാജ്യത്തെ ചൂഷണം ചെയ്യുകയായിരുന്നുവെന്നും സ്​മൃതി ഇറാനി കൂട്ടിച്ചേർത്തു.