You are here

മനുഷ്യ അവയവങ്ങൾ കണ്ടെത്തിയ സംഭവം: രണ്ടുപേർ അറസ്​റ്റിൽ

01:02 AM
19/08/2019

ഗാന്ധിനഗർ: മനുഷ്യ അവയവങ്ങൾ ജനവാസ കേന്ദ്രത്തിൽ കണ്ടെത്തിയ സംഭവത്തിൽ രണ്ടുപേരെ ഗാന്ധിനഗർ പൊലീസ് അറസ്​റ്റ്​ ചെയ്തു. അമയന്നൂർ താഴത്തേൽ സുനിൽകുമാർ (34), പെരുമ്പായിക്കാട് ചിലമ്പത്ത് ശേരിയിൽ ക്രിസ്​റ്റ്​ മോൻ ജോസഫ് (38) എന്നിവരെയാണ് ഗാന്ധിനഗർ സി.ഐ അനൂപ്​ ജോസി​​െൻറ നേതൃത്വത്തിൽ അറസ്​റ്റ്​ ചെയ്തത്. കണ്ടെടുത്ത അവയവങ്ങൾ വിശദ പരിശോധനക്ക്​ ​വിധേയമാക്കിയപ്പോൾ ഐ.വി സെറ്റി​​െൻറയും ഡയപ്പറി​​െൻറയും നിർമാണ കമ്പനിയുടെ ഫോൺ നമ്പർ ഇതിൽനിന്ന്​ പൊലീസിന്​ ലഭിച്ചു.

ആലപ്പുഴയിലുള്ള ഈ കമ്പനിയുമായി പൊലീസ്​ ബന്ധപ്പെടുകയും ലഭിച്ച ഐ.വി സെറ്റ് ഏത് ആശുപത്രിക്കാണ് നൽകിയതെന്ന് അന്വേഷിച്ചു. കോട്ടയം കളത്തിപ്പടിയുള്ള കരിപ്പാൽ ആശുപത്രിക്കാണെന്ന് വിവരം ലഭിച്ചു. ഉടൻ ആശുപത്രിയുമായി ബന്ധപ്പെട്ടു. കോട്ടയം സ്വദേശിയായ 80കാരിയായ ഒരു വീട്ടമ്മയുടെ മൃതദേഹം എംബാം ചെയ്ത ശേഷം മറ്റ്​ അവയവങ്ങൾ മറവ് ചെയ്യാൻ കോട്ടയം മെഡിക്കൽ കോളജ് ആശുപത്രി ബസ്​സ്​റ്റാൻഡിന് സമീപമുള്ള സ്​റ്റാൻഡിലെ സ​െൻറ്​ സെബാസ്​റ്റ്യൻ ആംബുലൻസിനെ ഏൽപിച്ചതാണെന്ന് ആശുപത്രി അധികൃതർ അറിയിക്കുകയായിരുന്നു.

പൊലീസ് ഉടൻ സ്​റ്റാൻഡിലെത്തി ആംബുലൻസും ഡ്രൈവറെയും സഹായിയെയും കസ്​റ്റഡിയിലെടുത്ത്​ ചോദ്യം ചെയ്തു. ഇവർ കുറ്റം സമ്മതിച്ചതോടെ അറസ്​റ്റ്​ രേഖപ്പെടുത്തുകയായിരുന്നു. വാഹനവും പിടിച്ചെടുത്തു. മനുഷ്യജീവന് അപായകരമായ രോഗം ഉണ്ടാക്കുന്ന പ്രവൃത്തി ചെയ്യുന്നതും ജലസ്രോതസ്സ്​ മലിനപ്പെടുത്തിയ വകുപ്പും ചേർത്ത് ഇവർക്കെതിരെ കേസെടുത്തു. തിങ്കളാഴ്ച കോടതിയിൽ ഹാജരാക്കും. ആശുപത്രിയു​െട ഭാഗത്ത്​ വീഴ്​ചയുണ്ടാ​യോയെന്നും പരിശോധിക്കുമെന്നും പൊലീസ്​ അറിയിച്ചു.

Loading...
COMMENTS