Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightചൈനയുടെ ഗൽവാൻ...

ചൈനയുടെ ഗൽവാൻ അവകാശവാദം ഇന്ത്യ വീണ്ടും തള്ളി

text_fields
bookmark_border
ചൈനയുടെ ഗൽവാൻ അവകാശവാദം ഇന്ത്യ വീണ്ടും തള്ളി
cancel

ന്യൂഡൽഹി: കിഴക്കൻ ലഡാക്കിലെ ഗൽവാൻ താഴ്​വരക്കു മേലുള്ള ചൈനയുടെ അവകാശവാദം തള്ളിക്കളയു​ന്നതായി ആവർത്തിച്ച്​ ഇന്ത്യ. അതേസമയം, യഥാർഥ നിയന്ത്രണ രേഖയിലെ (എൽ.എ.സി) സംഘർഷ മേഖലയിൽനിന്ന്​ സൈനിക പിന്മാറ്റം ഉൗർജിതമാക്കാൻ വെള്ളിയാഴ്​ച നയതന്ത്രതല ചർച്ച നടത്തുമെന്നും വിദേശകാര്യ വക്​താവ്​ അനുരാഗ്​ ശ്രീവാസ്​തവ ന്യൂഡൽഹിയിൽ പറഞ്ഞു.

 

ഗൽവാൻ മേഖലയിലെ ചൈനയുടെ അവകാശവാദം ഊതിപ്പെരുപ്പിച്ചതും സമർഥിക്കാൻ കഴിയാത്തതു​മാണെന്നും അദ്ദേഹം വ്യക്​തമാക്കി. 
അതിർത്തിയിൽ സമാധാനം പുനഃസ്​ഥാപിക്കാൻ ഇന്ത്യ പ്രതിജ്​ഞാബദ്ധമാണെന്നും അതിന്​ പരസ്​പര സംഭാഷണമാണ്​ പരിഹാരമെന്നും പറഞ്ഞ ശ്രീവാസ്​തവ, രാജ്യത്തി​​െൻറ പരമാധികാരവും അഖണ്ഡതയും കാത്തുസൂക്ഷിക്കാൻ തങ്ങൾ നിലയുറപ്പിക്കുമെന്നും കൂട്ടിച്ചേർത്തു.

അതിർത്തിയിലെ സമാധാനത്തി​​െൻറ ആണിക്കല്ല്​ എൽ.എ.സിയിലുള്ള പരസ്​പര ബഹുമാനമാണ്​. ഇക്കാര്യം ചൈനീസ്​ വിദേശകാര്യ മന്ത്രി വാങ്​ യിയുമായി സംസാരിച്ച ദേശീയ സുരക്ഷ ഉപദേഷ്​ടാവ്​ അജിത്​ ഡോവൽ വ്യക്​തമാക്കിയിട്ടുണ്ട്​ -അദ്ദേഹം പറഞ്ഞു. ഡോവലും വാങ്​ യിയും തമ്മിൽ നടന്ന ടെലിഫോൺ സംഭാഷണത്തിനുശേഷമാണ്​ കിഴക്കൻ ലഡാക്കിലെ സംഘർഷ മേഖലകളിൽനിന്ന്​ സൈനിക പിന്മാറ്റം സംബന്ധിച്ച്​ ഇരു രാജ്യങ്ങളും ധാരണയായത്​.

‘‘അതിർത്തിയിലെ കാര്യങ്ങളിൽ ഏറ്റവും ഉത്തരവാദിത്തത്തോടെയാണ്​ ഇന്ത്യൻ സേന പെരുമാറുന്നതെന്നും അതേസമയം, രാജ്യത്തി​​െൻറ പരമാധികാരവും സുരക്ഷയും ഉറപ്പുവരുത്തുന്നതിൽ ഒരു വിട്ടുവീഴ്​ചയും  ചെയ്യില്ലെന്നും സുരക്ഷ ഉപദേഷ്​ടാവ്​ ചൈനയോട്​ വ്യക്​തമാക്കിയിട്ടുണ്ട്​’’ -ശ്രീവാസ്​തവ തുടർന്നു. ഇന്ത്യ-ചൈന അതിർത്തി പ്രശ്​ന പരിഹാരവുമായി ബന്ധപ്പെട്ട്​ വെള്ളിയാഴ്​ച ഓൺലൈൻ വഴിയാണ്​ ചർച്ച നടത്തുക. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:chinaborder issueIndia Newsgalwan valley
News Summary - galwan valley india china-india news
Next Story