ചൈ​നീ​സ് റോ​ബോ​ഡോ​ഗി​ന്റെ പി​തൃ​​ത്വം അ​വ​കാ​ശ​പ്പെ​ട്ടു; ഗാൽ​ഗോ​ത്തി​യ സ​ർ​വ​ക​ലാ​ശാ​ല​യെ ഉ​ച്ച​കോ​ടി​യി​ൽ​നി​ന്ന് പു​റ​ത്താ​ക്കി

ന്യൂ​ഡ​ൽ​ഹി: ചൈ​നീ​സ് ‘യൂ​നി​ട്രീ’ റോ​ബോ​ഡോ​ഗി​നെ ‘ഓ​റി​യോ​ൺ’ എ​ന്ന പേ​രി​ട്ട് ത​ങ്ങ​ളു​ടെ നി​ർ​മി​തി​യാ​യി അ​വ​ത​രി​പ്പി​ച്ച് രാ​ജ്യ​ത്തെ നാ​ണം കെ​ടു​ത്തി​യ ​ഗാ​ൽ​ഗോ​ത്തി​യ സ​ർ​വ​ക​ലാ​ശാ​ല​യെ എ.​​ഐ ഉ​ച്ച​കോ​ടി​യി​ൽ​നി​ന്ന് പു​റ​ത്താ​ക്കി. സ​ർ​വ​ക​ലാ​ശാ​ല​യു​ടെ അ​വ​കാ​ശ​വാ​ദം ഏ​റ്റു​പി​ടി​ച്ച് ​കേ​ന്ദ്ര വാ​ർ​ത്താ​വി​ത​ര​ണ പ്ര​ക്ഷേ​പ​ണ മ​ന്ത്രി അ​ശ്വ​നി വൈ​ഷ്ണ​വ് വി​ഡി​യോ പ​ങ്കു​വെ​ച്ച​തി​ന് പി​ന്നാ​ലെ ചൈ​നീ​സ് മാ​ധ്യ​മ​ങ്ങ​ൾ നി​ജ​സ്ഥി​തി പു​റ​ത്തു​കൊ​ണ്ടു​വ​ന്ന​ത് അ​ന്ത​ർ​ദേ​ശീ​യ ത​ല​ത്തി​ൽ ഇ​ന്ത്യ​ക്ക് നാ​ണ​ക്കേ​ടാ​യി. തു​ട​ർ​ന്നാ​ണ് സ​ർ​വ​ക​ലാ​ശാ​ല​യെ ​എ.​ഐ ഉ​ച്ച​കോ​ടി എ​ക്സ്​​പോ​യി​ൽ​നി​ന്ന് പു​റ​ത്താ​ക്കി​യ​ത്. രാ​ജ്യ​ത്തി​ന് അ​പ​രി​ഹാ​ര്യ​മാ​യ പ​രി​ക്കു​ണ്ടാ​ക്കി​യ​തി​ന് രൂ​ക്ഷ​വി​മ​ർ​ശ​ന​വു​മാ​യി പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി​യും കോ​ൺ​ഗ്ര​സും രം​ഗ​ത്തു​വ​ന്നു.

നാ​ല് കാ​ലി​ൽ സാ​ധാ​ര​ണ മൃ​ഗ​ങ്ങ​ളെ​പോ​ലെ ന​ട​ക്കു​ന്ന റോ​ബോ​ട്ടാ​ണ് ചൈ​ന​യു​ടെ യൂ​നി​ട്രീ റോ​ബോ​ഡോ​ഗ്. ത​ങ്ങ​ളു​ടെ സെൻറ​ർ ഓ​ഫ് എ​ക്സ​ല​ൻ​സ് വി​ക​സി​പ്പി​ച്ച​താ​ണ് എ​ന്ന് അ​വ​കാ​ശ​പ്പെ​ട്ട് ഗ്രേ​റ്റ​ർ നോ​യ്ഡ​യി​ലെ സ​ർ​വ​ക​ലാ​ശാ​ല​യി​ലെ പ്ര​ഫ​സ​ർ നേ​ഹ സി​ങ് അ​ഭി​മു​ഖ​ങ്ങ​ൾ ന​ൽ​കി​യ​ത് ചൈ​നീ​സ് മാ​ധ്യ​മ​ങ്ങ​ൾ പൊ​ളി​ക്കു​ക​യാ​യി​രു​ന്നു.

ഭാ​ര​ത് മ​ണ്ഡ​പ​ത്തി​ൽ ന​ട​ക്കു​ന്ന എ.​ഐ ഇം​പാ​ക്ട് എ​ക്‌​സ്‍പോ​യി​ലെ സ്റ്റാ​ൾ അ​ട​ച്ചു പൂ​ട്ടാ​ൻ ആ​വ​ശ്യ​പ്പെ​ട്ട​തി​നെ തു​ട​ർ​ന്ന് ഗാ​ൽ​ഗോ​ത്തി​യ സ​ർ​വ​ക​ലാ​ശാ​ല സ്ഥ​ലം കാ​ലി​യാ​ക്കി. അ​ധി​കൃ​ത​രു​ടെ ക​ർ​ശ​ന നി​ർ​ദേ​ശ​ത്തെ തു​ട​ർ​ന്ന് സ്റ്റാ​ളി​ലെ വൈ​ദ്യു​തി ബ​ന്ധം വി​ച്ഛേ​ദി​ക്കു​ക​യും ചെ​യ്തി​രു​ന്നു. ഗ്രേ​റ്റ​ർ നോ​യി​ഡ ആ​സ്ഥാ​ന​മാ​യ സ​ർ​വ​ക​ലാ​ശാ​ല​യു​ടെ സ്റ്റാ​ഫും വി​ദ്യാ​ർ​ഥി​ക​ളും അ​വ​രു​ടെ പ​വി​ലി​യ​ൻ വി​ട്ടു​പോ​യി.

സ​മൂ​ഹ​മാ​ധ്യ​മ​ത്തി​ൽ ഉ​ൾ​പ്പെ​ടെ ശ​ക്ത​മാ​യ രോ​ഷ​പ്ര​ക​ട​നം വ്യാ​പ​ക​മാ​യ​തോ​ടെ​യാ​ണ് അ​ധി​കൃ​ത​ർ ക​ർ​ശ​ന ന​ട​പ​ടി​യെ​ടു​ത്ത​ത്. സ​ർ​വ​ക​ലാ​ശാ​ല സ്വ​ന്തം നി​ർ​മി​തി​യാ​യി അ​വ​കാ​ശ​പ്പെ​ട്ട് ഒ​റി​യോ​ൺ എ​ന്ന പേ​രി​ട്ട് അ​വ​ത​രി​പ്പി​ച്ച റോ​ബോ​ട്ട് നാ​യ് യ​ഥാ​ർ​ഥ​ത്തി​ൽ ചൈ​നീ​സ് നി​ർ​മി​ത യൂ​നി​ട്രീ ജി.​ഒ2 ആ​ണെ​ന്നും, ആ​ഭ്യ​ന്ത​ര​മാ​യി നി​ർ​മി​ച്ച​ത​ല്ലെ​ന്നും​പി​ന്നീ​ട് വ്യ​ക്ത​മാ​യി. യൂ​നി​ട്രീ റോ​ബോ​ട്ടി​ക്‌​സി​ൽ നി​ന്ന് വി​ദ്യാ​ർ​ഥി​ക​ളു​ടെ എ.​ഐ പ്രോ​ഗ്രാ​മി​ങ് പ​ഠ​നാ​വ​ശ്യ​ത്തി​നാ​യി പ​ണം കൊ​ട​ു​ത്തു വാ​ങ്ങി​യ​താ​ണെ​ന്ന് സ​ർ​വ​ക​ലാ​ശാ​ല അ​ധി​കൃ​ത​ർ പി​ന്നീ​ട് സ​മ്മ​തി​ച്ചു.

കാ​ര്യ​ങ്ങ​ൾ കൃ​ത്യ​മാ​യി വി​ശ​ദീ​ക​രി​ക്കു​ന്ന​തി​ലു​ള്ള ആ​ശ​യ​വി​നി​മ​യ​ത്തി​ലെ അ​പാ​ക​ത ആ​യി​രി​ക്കാം വി​വാ​ദ​ത്തി​ലേ​ക്ക് ന​യി​ച്ച​തെ​ന്നും ത​ങ്ങ​ൾ​ക്കെ​തി​രെ​യു​ള്ള ന​ട​പ​ടി സ്റ്റാ​ഫി​നെ​യും വി​ദ്യാ​ർ​ഥി​ക​ളെ​യും വേ​ദ​നി​പ്പി​ച്ചെ​ന്നും സ​ർ​ല​ക​ലാ​ശാ​ല​യി​ലെ പ്ര​ഫ​സ​റാ​യ നേ​ഹ സി​ങ് പി​ന്നീ​ട് വി​ശ​ദീ​ക​ര​ണ​വു​മാ​യി രം​ഗ​ത്തു​വ​ന്നു.

നാണംകെടുത്തിയെന്ന് രാഹുലും കോൺഗ്രസും

ന്യൂ​ഡ​ൽ​ഹി: ഇ​ന്ത്യ​യു​ടെ പ്ര​തി​ഭ​യും ഡേ​റ്റ​യും പ്ര​യോ​ജ​ന​പ്പെ​ടു​ത്തു​ന്ന​തി​ന് പ​ക​രം എ.​ഐ ഉ​ച്ച​കോ​ടി​യെ സം​ഘാ​ട​ന​പ്പി​ഴ​വി​ന്റെ പി.​ആ​ർ മേ​ള​യാ​ക്കി മാ​റ്റി​യെ​ന്ന് പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി കു​റ്റ​പ്പെ​ടു​ത്തി. ചൈ​നീ​സ് ഉ​ൽ​പ​ന്ന​ങ്ങ​ൾ കാ​ണി​ച്ച് ഇ​ന്ത്യ​ൻ ഡേ​റ്റ​യെ വി​ൽ​പ​ന​ക്ക് വെ​ച്ചി​രി​ക്കു​ക​യാ​ണെ​ന്നും രാ​ഹു​ൽ തു​ട​ർ​ന്നു.

ന​വീ​ന ആ​ശ​യ​ങ്ങ​ളു​ടെ​യും വി​വ​ര കൈ​മാ​റ്റ​ത്തി​ന്റെ​യും പ്ലാ​റ്റ്ഫോം ആ​ക്കാ​മാ​യി​രു​ന്ന എ.​ഐ ഉ​ച്ച​കോ​ടി ത​രം​താ​ണ ചൈ​ന ബ​സാ​റാ​ക്കി മാ​റ്റി​യെ​ന്നും പ്ര​ധാ​ന​മ​ന്ത്രി​ക്ക് കൈ​കൊ​ടു​ക്കാ​ൻ മാ​ത്ര​മു​ള്ള ഉ​ച്ച​കോ​ടി​യാ​യി ഇ​ത് മാ​റി​യെ​ന്നും കോ​ൺ​ഗ്ര​സ് വ​ക്താ​വ് പ​വ​ൻ ഖേ​ര വി​മ​ർ​ശി​ച്ചു.

ചൈ​നീ​സ് റോ​ബോ​ട്ടു​ക​ൾ ഇ​ന്ത്യ​യു​ടേ​താ​ക്കി നി​ർ​മി​ത​ബു​ദ്ധി​യി​ൽ മോ​ദി സ​ർ​ക്കാ​ർ ഇ​ന്ത്യ​യെ ലോ​ക​ത്തി​ന് മു​ന്നി​ൽ കോ​മാ​ളി​ക​ളാ​ക്കി. ചൈ​നീ​സ് മാ​ധ്യ​മ​ങ്ങ​ൾ ഇ​ന്ത്യ​യെ പ​രി​ഹ​സി​ച്ച​ത് അ​ങ്ങേ​യ​റ്റം രാ​ജ്യ​ത്തി​ന് നാ​ണ​ക്കേ​ടു​ണ്ടാ​ക്കി. മോ​ദി സ​ർ​ക്കാ​റി​ലെ മ​ന്ത്രി അ​ശ്വി​നി വൈ​ഷ്ണ​വ് ത​ന്നെ ഇ​ന്ത്യ​ൻ ഉ​ച്ച​കോ​ടി​യി​ൽ ചൈ​നീ​സ് റോ​ബോ​ട്ടു​ക​ൾ​ക്ക് പ്ര​ചാ​ര​ണം ന​ൽ​കി​യ​ത് അ​തി​ലേ​റെ വ​ഷ​ളാ​യി. നി​ർ​മി​ത​ബു​ദ്ധി​യെ കേ​വ​ല​മൊ​രു ത​മാ​ശ​യാ​ക്കി മാ​റ്റി ഈ ​മേ​ഖ​ല​യി​ൽ ലോ​ക​ത്തെ ന​യി​ക്കാ​ൻ ക​ഴി​യു​മാ​യി​രു​ന്ന രാ​ജ്യ​ത്തി​ന്റെ പ്ര​തി​ച്ഛാ​യ​ക്ക് അ​പ​രി​ഹാ​ര്യ​മാ​യ പ​രി​ക്കാ​ണ് മോ​ദി സ​ർ​ക്കാ​ർ ഏ​ൽ​പി​ച്ച​തെ​ന്നും കോ​ൺ​ഗ്ര​സ് വി​മ​ർ​ശി​ച്ചു.