കനത്ത സുരക്ഷയിൽ ജി20 വർക്കിങ് ഗ്രൂപ് യോഗത്തിന് ശ്രീനഗറിൽ തുടക്കം

ശ്രീ​ന​ഗ​ർ: ക​ന​ത്ത സു​ര​ക്ഷ ക്ര​മീ​ക​ര​ണ​ങ്ങ​ൾ​ക്കി​ട​യി​ൽ മൂ​ന്നാ​മ​ത് ജി20 ​വ​ർ​ക്കി​ങ് ഗ്രൂ​പ് യോ​ഗം ശ്രീ​ന​ഗ​റി​ൽ തു​ട​ങ്ങി. 2019ൽ ​ജ​മ്മു-​ക​ശ്മീ​രി​ന്റെ സം​സ്ഥാ​ന പ​ദ​വി എ​ടു​ത്തു​ക​ള​ഞ്ഞ​ ശേ​ഷം ന​ട​ക്കു​ന്ന ആ​ദ്യ പ്ര​ധാ​ന അ​ന്താ​രാ​ഷ്​​ട്ര പ​രി​പാ​ടി​യാ​ണി​ത്.

ജി20 ​അം​ഗ​രാ​ജ്യ​ങ്ങ​ളാ​യ ചൈ​ന, തു​ർ​ക്കി​യ, സൗ​ദി അ​റേ​ബ്യ എ​ന്നി​വ​ർ പ​രി​പാ​ടി​ക്ക് ര​ജി​സ്റ്റ​ർ ചെ​യ്തി​ട്ടി​ല്ലെ​ന്ന് ഇ​തു​മാ​യി ബ​ന്ധ​പ്പെ​ട്ട വൃ​ത്ത​ങ്ങ​ൾ അ​റി​യി​ച്ചു. അ​തേ​സ​മ​യം, തു​ർ​ക്കി​യ, സൗ​ദി എ​ന്നി​വി​ട​ങ്ങ​ളി​ൽ​നി​ന്നു​ള്ള ചി​ല ടൂ​ർ ഓ​പ​റേ​റ്റ​ർ പ്ര​തി​നി​ധി​ക​ൾ പ​രി​പാ​ടി​യി​ൽ സം​ബ​ന്ധി​ക്കു​ന്ന​തി​നാ​യി ശ്രീ​ന​ഗ​റി​ലെ​ത്തി​യി​ട്ടു​ണ്ട്.

70ലേ​റെ വി​ദേ​ശ പ്ര​തി​നി​ധി​ക​ൾ പ​രി​പാ​ടി​ക്ക് എ​ത്തി​യി​ട്ടു​ണ്ടെ​ന്ന് അ​ധി​കൃ​ത​ർ അ​റി​യി​ച്ചു. ന്യൂ​ഡ​ൽ​ഹി​യി​ൽ​നി​ന്ന് ര​ണ്ട് ചാ​ർ​ട്ടേ​ഡ് വി​മാ​ന​ങ്ങ​ളി​ലാ​യാ​ണ് ഇ​വ​രെ​ത്തി​യ​ത്. വി​ദേ​ശ പ്ര​തി​നി​ധി​ക​ളെ ശ്രീ​ന​ഗ​ർ വി​മാ​ന​ത്താ​വ​ള​ത്തി​ൽ പ​ര​മ്പ​രാ​ഗ​ത രീ​തി​യി​ൽ സ്വീ​ക​രി​ച്ചു.

ദാ​ൽ ത​ടാ​ക​ക്ക​ര​യി​ലെ ‘ഷേ​റെ ക​ശ്മീ​ർ’ അ​ന്താ​രാ​ഷ്ട്ര ക​ൺ​വെ​ൻ​ഷ​ൻ സെ​ന്റ​റി​ലാ​ണ് പ​രി​പാ​ടി. ഇ​തി​ന്റെ ഭാ​ഗ​മാ​യി ‘സാ​മ്പ​ത്തി​ക വ​ള​ർ​ച്ച​ക്കും സം​സ്കാ​ര സം​ര​ക്ഷ​ണ​ത്തി​നും ഫി​ലിം ടൂ​റി​സം’ പ​രി​പാ​ടി ന​ട​ന്നു. ഫി​ലിം ടൂ​റി​സം പ്രോ​ത്സാ​ഹി​പ്പി​ക്കു​ന്ന​തി​ന്റെ ഭാ​ഗ​മാ​യാ​ണ് പ​രി​പാ​ടി.

വി​നോ​ദ സ​ഞ്ചാ​ര കേ​ന്ദ്ര​ങ്ങ​ളെ പ്രോ​ത്സാ​ഹി​പ്പി​ക്കു​ന്ന​തി​ൽ സി​നി​മ​ക​ളു​ടെ പ​ങ്ക് വി​ശ​ദീ​ക​രി​ക്കു​ന്ന ‘ഫി​ലിം ടൂ​റി​സ​ത്തി​ലെ ദേ​ശീ​യ​ന​യം’ ച​ട​ങ്ങി​ൽ പ്ര​കാ​ശി​പ്പി​ച്ചു. സ്​​പെ​യി​ൻ, സിം​ഗ​പ്പൂ​ർ, മൊ​റീ​ഷ്യ​സ്, നൈ​ജീ​രി​യ, ദ​ക്ഷി​ണാ​ഫ്രി​ക്ക, ബ്ര​സീ​ൽ, ഇ​ന്ത്യ എ​ന്നീ രാ​ജ്യ​ങ്ങ​ളി​ൽ നി​ന്നു​ള്ള പ്ര​തി​നി​ധി​ക​ൾ വി​ഷ​യ​ത്തി​ന്റെ അ​ന്താ​രാ​ഷ്ട്ര വീ​ക്ഷ​ണം അ​വ​ത​രി​പ്പി​ച്ചു.

മു​മ്പ് ന​ട​ന്ന ര​ണ്ട് യോ​​ഗ​ങ്ങ​ളി​ലു​ള്ള​തി​നേ​ക്കാ​ൾ കൂ​ടു​ത​ൽ വി​ദേ​ശ പ്ര​തി​നി​ധി​ക​ളാ​ണ് ഇ​ത്ത​വ​ണ സം​ബ​ന്ധി​ക്കു​ന്ന​തെ​ന്ന് ചീ​ഫ് കോ​ഓ​ഡി​നേ​റ്റ​ർ ഹ​ർ​ഷ് വ​ർ​ധ​ൻ ശൃം​ഗ്ല പ​റ​ഞ്ഞു. പ​രി​പാ​ടി​ക്ക് ത്രി​ത​ല സു​ര​ക്ഷ​യാ​ണ് ​ശ്രീ​ന​ഗ​ർ പ​ട്ട​ണ​ത്തി​ൽ ഒ​രു​ക്കി​യി​രി​ക്കു​ന്ന​ത്