Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightദേശീയാരോഗ്യ...

ദേശീയാരോഗ്യ പദ്ധതിയുടെ ഫണ്ട്​ വെട്ടിക്കുറച്ച്​ കേന്ദ്ര സർക്കാർ

text_fields
bookmark_border
ദേശീയാരോഗ്യ പദ്ധതിയുടെ ഫണ്ട്​ വെട്ടിക്കുറച്ച്​ കേന്ദ്ര സർക്കാർ
cancel

ന്യൂഡൽഹി: പൊതുജനാരോഗ്യ പദ്ധതികൾക്കു​ള്ള ഫണ്ട്​ കേന്ദ്ര സർക്കാർ വെട്ടിക്കുറച്ചു. കേന്ദ്ര ആരോഗ്യമന്ത്രാലയം ആവശ്യപ്പെട്ടതി​​െൻറ 20 ശതമാനം കുറവ്​ തുക മാത്രമാണ്​ സർക്കാർ അനുവദിച്ചതെന്ന്​ ന്യൂസ്​ 18 റിപ്പോർട്ട്​ ചെയ്യുന്നു. 

നാഷണൽ ഹെൽത്ത്​ മിഷനുള്ള ഫണ്ടാണ്​ വെട്ടിക്കുറച്ചത്​. 2017^ 20 കാലത്തേക്ക്​ 2500കോടി രൂപയാണ്​ ആരോഗ്യ മന്ത്രാലയം ആവശ്യപ്പെട്ടതെങ്കിലും 2000 കോടി രൂപയാണ്​ ധനകാര്യ വകുപ്പ്​ അനുവദിച്ചിരിക്കുന്നത്​. ആഗസ്​റ്റിൽ നടത്തിയ പുതുക്കലിലാണ്​ ധനമന്ത്രാലയം തുക ​വെട്ടിക്കുറച്ചത്​. നേരത്തെ അനുവദിച്ച തുക ചെലവഴിക്കുന്നതിൽ സംസ്​ഥാന സർക്കാറുകൾ മോശം പ്രകടനമാണ്​ കാഴ്​ചവെച്ചതെന്നും അതിനാൽ ആവശ്യമുള്ള മറ്റ്​ വിഭാഗങ്ങൾക്ക്​ കൈമാറുന്നതിനാണ്​ ഫണ്ട്​ വെട്ടിക്കുറച്ചതെന്നുമാണ്​  വിശദീകരണം. 

പാവപ്പെട്ട രോഗികൾക്ക്​ സൗജന്യ മരുന്നു മുതൽ പ്രതിരോധ കുത്തിവപ്പുകൾ വരെ ദേശീയാരോഗ്യ പദ്ധതി വഴിയാണ്​ ഇന്ത്യയിൽ നടപ്പിലാക്കുന്നത്​. 2015^16 വർഷത്തിൽ ആരോഗ്യ വിഭാഗത്തിന്​ അനുവദിച്ച തുകയിൽ 140 കോടിയോളം രൂപ സംസ്​ഥാനങ്ങൾ ചെലവഴിച്ചിട്ടില്ലെന്ന്​ ഫെഡറൽ ഒാഡിറ്റർ ഇൗ വർഷം ആദ്യം റിപ്പോർട്ട്​ ചെയ്​തിരുന്നു. തുടർന്നാണ്​ തുക വെട്ടിക്കുറച്ചത്​. എന്നാൽ കാൻസർ, പ്രമേഹം, മാനസിക പ്രശ്​നങ്ങൾ തുടങ്ങിയ പകരാത്ത മാരക രോഗങ്ങൾക്ക്​ വേണ്ടിയുള്ള നോൺ കമ്മ്യൂണിക്കബിൾ ഡിസീസ്​ (എൻ.സി.ഡി)​ പോലുള്ള പല ആരോഗ്യ പദ്ധതികളും തുക ലഭ്യമല്ലാതെ മുന്നോട്ടു​െകാണ്ടുപോകാൻ കഴിയാത്ത സാഹചര്യമാണ്​ നിലവിലുള്ളത്​. അതിനിടെയാണ്​ തുക വെട്ടിക്കുറച്ചിരിക്കുന്നത്​. 
 

Show Full Article
TAGS:national Health Mission health department finance ministry fund india news malayalam news 
News Summary - Fund for National Health Mission Cut off By Union Govt - India News
Next Story