പാക്​ വെല്ലുവിളി നേരിടാൻ തയാർ -ബി.എസ്​.എഫ്​ മേധാവി

ജമ്മു: കശ്​മീരിലെ നിയന്ത്രണരേഖയിൽ പാകിസ്​താൻ നിരന്തരം വെടിനിർത്തൽ കരാർ ലംഘിക്കുന്ന സാഹചര്യത്തിൽ ഏതു വെല്ലുവിളിയും നേരിടാൻ അതിർത്തി രക്ഷാസേന (ബി.എസ്​.എഫ്​) തയാറാണെന്ന്​ ഡയറക്​ടർ ജനറൽ രജ്​നികാന്ത്​ മിശ്ര വ്യക്തമാക്കി.

പാക്​ സേനയുടെ പ്രകോപനപരമായ മോർട്ടാർ ഷെല്ലിങ്ങിന്​ ഇന്ത്യൻ സേന കനത്ത തിരിച്ചടി നൽകുന്നുണ്ട്​. അന്താരാഷ്​ട്ര അതിർത്തിയിൽ വെടിനിർത്തൽ ലംഘനമുണ്ടായിട്ടില്ലെന്നും ബി.എസ്​.എഫ്​ മേധാവി മാധ്യമപ്രവർത്തകരോട്​ പറഞ്ഞു.