കോവിഡ്​ വ്യാപനം: യു.പിയിൽ നാളെ മുതൽ ലോക്​ഡൗൺ

ലഖ്​നോ: ഉത്തർപ്രദേശിൽ കോവിഡ്​ വ്യാപനം രൂക്ഷമായ സാഹചര്യത്തിൽ വെള്ളിയാഴ്ച മുതൽ ലോക്​ഡൗൺ. വെള്ളിയാഴ്ച വൈകിട്ട്​ മുതൽ ചൊവ്വാഴ്ച രാവിലെ ഏഴുമണിവരെയാണ്​ ലോക്​ഡൗണെന്ന്​ വാർത്താ ഏജൻസിയായ എ.എൻ.ഐ റി​േപ്പാർട്ട്​ ചെയ്​തു.

യു.പിയിൽ ബുധനാഴ്ച 266 പേർക്ക്​ കോവിഡ്​ മൂലം ജീവൻ നഷ്​ടമായിരുന്നു. 29,824 കോവിഡ്​ കേസുകളാണ്​ ബുധനാഴ്ച റിപ്പോർട്ട്​ ചെയ്​തത്​. ഇതോടെ രോഗബാധിതരുടെ എണ്ണം 11,82,848 ആയി. മരണസംഖ്യ 11,943ഉം. 3,00,041 പേരാണ്​ കോവിഡ്​ ബാധിച്ച്​ ചികിത്സയിലുള്ളത്​. ഇതോടെയാണ്​ ലോക്​ഡൗൺ ഏർപ്പെടു​ത്താനുള്ള തീരുമാനം.

നേരത്തേ യു.പിയിൽ സർക്കാർ വാരാന്ത്യ ലോക്​ഡൗൺ ഏർപ്പെടുത്തിയിരുന്നു. രാത്രി കർഫ്യൂവിന്​ പുറമെയായിരുന്നു വാരാന്ത്യ ലോക്​ഡൗൺ​. അലഹബാദ്​ ഹൈകോടതിയുടെ നിർദേശം ചോദ്യം ചെയ്​ത്​ യോഗി സർക്കാർ സുപ്രീംകോടതിയെ സമീപിച്ചതിന്​ പിന്നാലെയായിരുന്നു ഇത്​. അലഹബാദ്​, ലഖ്​നോ, വാരാണസി, കാൺപുർ, ഗൊരഖ്​പുർ തുടങ്ങിയ നഗരങ്ങളിൽ ലോക്​ഡൗൺ ഏർപ്പെടുത്തണമെന്നായിരുന്നു നിർദേശം. എന്നാൽ ഇതിനെതിരെ യോഗി സർക്കാർ സുപ്രീംകോടതിയെ സമീപിക്കുകയായിരുന്നു.