അഹമ്മദാബാദ് വിമാനാപകടം: പ്രാഥമിക അന്വേഷണ റിപ്പോർട്ട് പുറത്ത്; എൻജിനിലേക്ക് ഇന്ധനം നൽകുന്ന സ്വിച്ചുകൾ ഓഫായെന്ന് കണ്ടെത്തൽ

ന്യൂ​ഡ​ൽ​ഹി: പ​റ​ന്നു​യ​ർ​ന്ന​തി​ന് പി​ന്നാ​ലെ, വി​മാ​ന​ത്തി​ന്റെ ര​ണ്ട് എ​ൻ​ജി​നു​ക​ളി​ലേ​ക്ക് ഇ​ന്ധ​ന വി​ത​ര​ണം നി​യ​ന്ത്രി​ക്കു​ന്ന ഫ്യൂ​വ​ൽ സ്വി​ച്ചു​ക​ൾ ഓ​ഫ് ആ​യ​താ​ണ് 260 പേ​രു​ടെ മ​ര​ണ​ത്തി​ന് ഇ​ട​യാ​ക്കി​യ അ​ഹ്മ​ദാ​ബാ​ദ് വി​മാ​ന​ദു​ര​ന്ത​ത്തി​ന് കാ​ര​ണ​മാ​യ​തെ​ന്ന് ക​ണ്ടെ​ത്ത​ൽ.

പ​ത്തു​മു​ത​ൽ 14 സെ​ക്ക​ൻ​ഡു​ക​ൾ​ക്കു​ള്ളി​ൽ എ​ൻ​ജി​നു​ക​ൾ വീ​ണ്ടും പ്ര​വ​ർ​ത്തി​പ്പി​ച്ചു തു​ട​ങ്ങി​യെ​ങ്കി​ലും വി​മാ​ന​ത്തി​നു വീ​ണ്ടും പ​റ​ന്നു​യ​ർ​ന്നു തു​ട​ങ്ങാ​നു​ള്ള ശ​ക്തി ചു​രു​ങ്ങി​യ സ​മ​യ​ത്തി​നു​ള്ളി​ൽ ല​ഭി​ച്ചി​ല്ലെ​ന്നും എ​യ​ർ​ക്രാ​ഫ്റ്റ് ആ​ക്സി​ഡ​ന്റ് ഇ​ൻ​വെ​സ്റ്റി​ഗേ​ഷ​ൻ ബ്യൂ​റോ (എ.​എ.​ഐ.​ബി) കേ​​ന്ദ്ര സ​ർ​ക്കാ​റി​ന് സ​മ​ർ​പ്പി​ച്ച പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ടി​ൽ പ​റ​യു​ന്നു.

ര​ണ്ട് എ​ൻ​ജി​നു​ക​ളു​ടെ​യും പ്ര​വ​ർ​ത്ത​നം നി​ല​ച്ച​തി​ന് പി​ന്നാ​ലെ, പൈ​ല​റ്റു​മാ​രി​ലൊ​രാ​ൾ എ​ന്തി​നാ​ണ് ഇ​ന്ധ​ന വി​ത​ര​ണം നി​യ​ന്ത്രി​ക്കു​ന്ന സ്വി​ച്ച് ഓ​ഫ് ചെ​യ്ത​തെ​ന്ന് ചോ​ദി​ക്കു​ന്ന​തും മ​​റ്റൊ​രു പൈ​ല​റ്റ് താ​ൻ അ​ത് ചെ​യ്തി​ട്ടി​ല്ലെ​ന്ന് മ​റു​പ​ടി പ​റ​യു​ന്ന​തും വി​മാ​ന​ത്തി​ലെ കോ​ക്പി​റ്റ് വോ​യ്സ് റെ​ക്കോ​ഡി​ങ്ങി​ൽ പ​തി​ഞ്ഞി​ട്ടു​ണ്ട്. ഇ​ക്കാ​ര്യ​വും റി​പ്പോ​ർ​ട്ടി​ൽ വ്യ​ക്ത​മാ​ക്കു​ന്നു.

എ​ന്നാ​ൽ, സ്വി​ച്ച് റ​ൺ മോ​ഡി​ൽ നി​ന്ന് ക​ട്ട് ഓ​ഫ് മോ​ഡി​ലേ​ക്ക് മാ​റാ​ൻ കാ​ര​ണം വി​മാ​ന​ത്തി​ന്റെ സാ​​ങ്കേ​തി​ക പി​ഴ​വാ​ണെ​ന്നോ പൈ​ല​റ്റു​മാ​രു​ടെ വീ​ഴ്ച​യാ​ണെ​ന്നോ പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ടി​ൽ പ​റ​യു​ന്നി​ല്ല.

ബ്ലാ​ക്ക്ബോ​ക്സ്, വി​മാ​നം ത​ക​ർ​ന്നു​വീ​ണ സ്ഥ​ല​ത്തി​ന്റെ ഡ്രോ​ൺ ഫോ​ട്ടോ​ഗ്ര​ഫി, വി​ഡി​യോ​ഗ്ര​ഫി എ​ന്നി​വ​യു​ൾ​പ്പെ​ടെ പ​രി​ശോ​ധി​ച്ചാ​ണ് അ​ന്വേ​ഷ​ണ റി​പ്പോ​ർ​ട്ട് ത​യാ​റാ​ക്കി​യ​ത്. ബോ​യി​ങ് ക​മ്പ​നി​ക്കോ എ​യ​ർ ഇ​ന്ത്യ​ക്കോ എ​തി​രാ​യി റി​പ്പോ​ർ​ട്ടി​ൽ പ​രാ​മ​ർ​ശ​മി​ല്ല. പ്രാ​ഥ​മി​ക സൂ​ച​ന​ക​ളെ അ​ടി​സ്ഥാ​ന​മാ​ക്കി തെ​ളി​വു​ക​ൾ, രേ​ഖ​ക​ൾ, വി​വ​ര​ങ്ങ​ൾ എ​ന്നി​വ അ​വ​ലോ​ക​നം ചെ​യ്യു​ക​യും പ​രി​ശോ​ധി​ക്കു​ക​യും ചെ​യ്യു​മെ​ന്ന് അ​ന്വേ​ഷ​ണം സം​ഘം വ്യ​ക്ത​മാ​ക്കി. അ​ന്തി​മ റി​പ്പോ​ർ​ട്ട് പു​റ​ത്തു​വ​രാ​ൻ ഇ​നി​യും കാ​ല​താ​മ​സ​മെ​ടു​ക്കും.

ര​ണ്ടു​ദി​വ​സം മു​മ്പ് വ്യോ​മ​യാ​ന മ​ന്ത്രാ​ല​യ​ത്തി​ന് സ​മ​ർ​പ്പി​ച്ച 15 പേ​ജു​ള്ള പ്രാ​ഥ​മി​ക അ​ന്വേ​ഷ​ണ റി​പ്പോ​ർ​ട്ട് ശ​നി​യാ​ഴ്ച​യാ​ണ് പു​റ​ത്തു​വി​ട്ട​ത്. അ​​ഹ്മ​​ദാ​​ബാ​​ദ് സ​​​ർ​​​ദാ​​​ർ വ​​​ല്ല​​​ഭ്ഭാ​​​യ് പ​​​ട്ടേ​​​ൽ വി​​​മാ​​​ന​​​ത്താ​​​വ​​​ള​​​ത്തി​​​ൽ​​​നി​​​ന്ന് ല​​​ണ്ട​​​നി​​ലേ​​ക്ക് ജൂ​​ൺ 12ന് ​​ഉ​​​ച്ച​​​ക്ക് 1.38ന് ​​​പ​​​റ​​​ന്നു​​​യ​​​ർ​​​ന്ന് മി​​നി​​റ്റു​​ക​​ൾ​​ക്കു​​ള്ളി​​ലാ​​ണ് എ​​​യ​​​ർ ഇ​​​ന്ത്യ 171 ബോ​​​യി​​​ങ് 787- 8 ഡ്രീം​​​ലൈ​​​ന​​​ർ സ​​​മീ​​​പ​​​ത്തെ മെ​​ഡി​​ക്ക​​ൽ കോ​​ള​​ജ് വി​​​ദ്യാ​​​ർ​​​ഥി ഹോ​​​സ്റ്റ​​​ലി​​​നു​​​മേ​​​ൽ ത​​​ക​​​ർ​​​ന്നു​​​വീ​​​ണ​​​ത്.

പ​റ​ന്നു​യ​രു​ന്ന​തു​വ​രെ ര​ണ്ട് എ​ൻ​ജി​നു​ക​ളും സാ​ധാ​ര​ണ നി​ല​യി​ൽ

സ​ഹ​പൈ​ല​റ്റ് ക്ലൈ​വ് കു​ന്ദ​റാ​യി​രു​ന്നു വി​മാ​നം നി​യ​ന്ത്രി​ച്ചി​രു​ന്ന​ത്. പൈ​ല​റ്റ് -ഇ​ൻ-​ക​മാ​ൻ​ഡാ​യ സു​മീ​ത് സ​ബ​ർ​വാ​ൾ വി​മാ​ന​ത്തി​ന്റെ പ്ര​വ​ർ​ത്ത​നം നി​രീ​ക്ഷി​ക്കു​ക​യാ​യി​രു​ന്നു. പ​റ​ന്നു​യ​ർ​ന്ന​തി​ന് പി​ന്നാ​ലെ പ​ര​മാ​വ​ധി വേ​ഗ​ത​യാ​യ 180 നോ​ട്ട്സ് കൈ​വ​രി​ച്ചു.

പ​റ​ന്നു​യ​രു​ന്ന​തു​വ​രെ ര​ണ്ട് എ​ൻ​ജി​നു​ക​ളും സാ​ധാ​ര​ണ നി​ല​യി​ൽ പ്ര​വ​ർ​ത്തി​ച്ചു. ഉ​യ​ർ​ന്ന​തി​ന് പി​ന്നാ​ലെ ഒ​ന്നി​നു പി​റ​കെ ഒ​ന്നാ​യി ഒ​രു സെ​ക്ക​ൻ​ഡ് ഇ​ട​വേ​ള​യി​ലാ​ണ് ര​ണ്ട് സ്വി​ച്ചു​ക​ളും ഓ​ഫാ​യ​തെ​ന്നും റി​പ്പോ​ർ​ട്ടി​ൽ വി​ശ​ദീ​ക​രി​ക്കു​ന്നു.

32 സെ​ക്ക​ൻ​ഡു​ക​ൾ മാ​ത്ര​മാ​ണ് വി​മാ​നം വാ​യു​വി​ൽ ഉ​ണ്ടാ​യി​രു​ന്ന​ത്. വി​മാ​ന​ത്തി​ൽ പ​ക്ഷി ഇ​ടി​ച്ചി​ട്ടി​ല്ല. വി​മാ​ന​ത്താ​വ​ള​ത്തി​ന്റെ മ​തി​ൽ ക​ട​ന്ന​തി​ന് പി​ന്നാ​ലെ നി​യ​ന്ത്ര​ണം ന​ഷ്ട​മാ​യി. എ​ൻ​ജി​ൻ നി​യ​ന്ത്ര​ണം ന​ഷ്ട​പ്പെ​ടു​മ്പോ​ൾ വി​മാ​നം നി​ല​ത്തു​നി​ന്ന് ഏ​ക​ദേ​ശം 625 അ​ടി ഉ​യ​ര​ത്തി​ലാ​യി​രു​ന്നു​വെ​ന്നും റി​പ്പോ​ർ​ട്ടി​ൽ പ​റ​യു​ന്നു.