ദീപാവലിയോടെ ഇന്ധനവില കുറഞ്ഞേക്കും– ധ​ർമേന്ദ്ര പ്രധാൻ

അമൃതസർ: ദീപാവലിയോടെ ഇന്ധനവില കുറഞ്ഞേക്കുമെന്ന്​ പെട്രോളിയം–പ്രകൃതിവാതക മന്ത്രി ധർമേന്ദ്ര പ്രധാൻ. പെട്രോളിയം ഉൽപന്നങ്ങളെ ജി.എസ്​.ടിക്ക്​ കീഴിൽ കൊണ്ടുവരുന്നതോടെ വില വർധനവ്​ തടയാനാകും. സംസ്ഥാന സർക്കാറുകളോടും ജി.എസ്​.ടി കൗൺസിലിലും ഇക്കാര്യം അറിയിച്ചിട്ടുണ്ട്​. പെട്രോളും ഡീസലും ജി.എസ്​.ടിക്ക്​ കീഴിൽ വരുന്നതോടെ അസ്ഥിരമായ നികുതിയെന്നത്​ മാറി മുൻകൂട്ടി നിശ്ചയിക്കാൻ കഴിയുന്നതാകുമെന്നും അദ്ദേഹം പറഞ്ഞു. 

അമേരിക്കയിലുണ്ടായ കനത്ത വെള്ളപ്പൊക്കം മൂലം റീഫൈനറി ഒായിലുകളുടെ വിലയും ഉയർന്നിട്ടുണ്ട്​. റീ​​​ഫൈനറി ഒായിലുകളുടെ ഉൽപാദനത്തിൽ 13ശതമാനം കുറവാണ്​ ഉണ്ടായിരിക്കുന്നതെന്നും മന്ത്രി പറഞ്ഞു.

നാ​ല്​ വ​ർ​ഷ​ത്തി​നി​ട​യി​ലെ ഏ​റ്റ​വും കൂ​ടി​യ നി​ല​യി​ലേ​ക്കാ​ണ്​ പെ​ട്രോ​ൾ, ഡീ​സ​ൽ വി​ല ക​ു​തി​ക്കു​ന്ന​ത്. വി​ല കു​റ​യു​മെ​ന്ന​തി​​​െൻറ ഒ​രു സൂ​ച​ന​യും എ​ണ്ണ​ക്ക​മ്പ​നി​ക​ൾ ന​ൽ​കു​ന്നി​ല്ല.