ട്രാക്​ടറിൽ നിന്ന്​ തമ്പുകളിലേക്ക്​; സിംഘുവിൽ ദീർഘകാലവാസത്തിന്​ ഒരുങ്ങി കർഷക പ്രക്ഷോഭകർ

ഡൽഹിയെ പാകിസ്​താനിലെ ലാ​ഹോറുമായും പെഷാവറുമായും അങ്ങകലെ അഫ്​ഗാനിസ്​താനിലെ ജലാലാബാദുമായും വരെ ബന്ധിപ്പിച്ച്​ ഷേർഷാ സൂരി നിർമിച്ച ഇന്ത്യയിലെ ആദ്യത്തെ റോഡായ ഗ്രാൻറ്​ ട്രങ്ക്​ റോഡിൽ നിരന്നു കിടക്കുന്ന വാഹനങ്ങൾക്കിടയിൽ തമ്പുകളുയരുകയാണ്​.

നിരവധി പടയോട്ടങ്ങളുടെയും പോരാട്ടങ്ങളുടെയും ചരിത്രമുള്ള ഇൗ റോഡിൽ ഒന്നും രണ്ടും പേർക്ക്​ താമസിക്കാവുന്ന എളുപ്പത്തിൽ കൊണ്ടുനടക്കാവുന്ന കൊച്ചു തമ്പുകൾ മുതൽ നടുറോഡിൽ ഇരുമ്പുകാലുകൾ സ്​ഥാപിച്ചുറപ്പിച്ച കൂറ്റൻ തമ്പുകൾ വരെ ഉയർന്നുകഴിഞ്ഞു. കേന്ദ്ര ആഭ്യന്തര മന്ത്രി അമിത്​ ഷാ കർഷകരെ വിളിച്ച്​ നടത്തിയ ചർച്ച പരാജയപ്പെടുകയും സർക്കാർനിലപാട്​ മാറ്റാതെ ഇനിയൊരു ചർച്ച വേണ്ടെന്ന്​ വെക്കുകയും ചെയ്​തതിനു​ പിറ്റേന്ന്​ കൂടുതൽ തമ്പുകളും പന്തലുകളുമുയർത്തുന്ന തിരക്കിലാണ്​ കർഷകർ.

വിവാദ നിയമങ്ങൾ മാറ്റുന്നതുവരെ അതിർത്തിയിൽ തന്നെ തമ്പടിക്കാൻ തീര​ുമാനിച്ചാണ്​ പഞ്ചാബിൽനിന്നു​ം ഹരിയാനയിൽനിന്നും ട്രാക്​ടറുകൾ 'കാരവനു'കളാക്കി അതിർത്തിയിലെ സമരത്തിനെത്തിയ കർഷകർ സമരം നീളുമെന്ന്​ കണ്ടതോടെ ദീർഘകാല താമസത്തിനുള്ള ഒരുക്കങ്ങളിലേക്ക്​ കടന്നിരിക്കുന്നത്​. സമരം റിപ്പോർട്ട്​ ചെയ്യാനെത്തിയ പഞ്ചാബിൽനിന്നുള്ള മാധ്യമപ്രവർത്തകർപോലും താമസിക്കുന്നതും കെട്ടിയുയർത്തിയ തമ്പുകളിലും പന്തലുകളിലുമാണ്​. നടുറോഡിൽ താൽക്കാലികമായി കെട്ടിയുയർത്തിയിരുന്ന സമരവേദിയുടെ സ്​ഥാനത്ത്​ കൂറ്റൻ സ്​റ്റേജ്​ വന്നു കഴിഞ്ഞു.

വളൻറിയർമാർക്കും സേവനത്തിനായി വരുന്ന വിവിധ സംഘടനകൾക്കും ആരോഗ്യ പ്രവർത്തകർക്കുമുള്ള പന്തലുകളുമുയർന്നതോടെ സിംഘു പതിനായിരങ്ങൾ സംഗമിക്കുന്ന സമര നഗരിയായി മാറിയിരിക്കുന്നു. സിംഘുവിനെ നഗരിയാക്കി കർഷകരുടെ ദീർഘകാലവാസത്തിനുള്ള ഒരുക്കങ്ങൾ കണ്ട ഡൽഹി സർക്കാർ 150ഓളം ടോയ്​ലറ്റുകൾ കൊണ്ടു വന്ന് സ്​ഥാപിച്ചിട്ടുണ്ട്​.

അഞ്ച്​ ടോയ്​ലറ്റുകളടങ്ങുന്ന പോർട്ടബിൾ യൂനിറ്റുകൾ മുപ്പതോളമുണ്ട്​.​ പൊലീസ്​ ബാരിക്കേഡ്​ മുതൽ സമരവേദി വരെ ഗ്രാൻറ്​ ട്രങ്ക്​ റോഡിലുണ്ട്​​. പഞ്ചാബിൽനിന്നു കർഷകർക്ക്​ ഡൽഹി സർക്കാറി​െൻറ അഭിവാദ്യങ്ങളർപ്പിക്കുന്ന കെജ്​രിവാളി​െൻറ ചിത്രങ്ങളുള്ള ബാനറുക​േളാടെയാണ്​ ടോയ്​ലറ്റുകൾ.

കൈയും വീശി വരുന്നവർക്കും ലങ്കറുകൾ ഇടതടവില്ലാതെ വിളമ്പുന്ന ഭക്ഷണങ്ങൾക്കു​ പുറമെ സമരസ്​ഥലത്ത്​ രാപ്പാർക്കുന്നവർക്കുള്ള ടൂത്ത്​ ബ്രഷ്​ മുതൽ തണുപ്പുമാറ്റുന്നതിനുള്ള സോക്​സും മഫ്ലറും കമ്പിളിപ്പുതപ്പും വരെ സന്നദ്ധ സംഘടനകളും വ്യക്​തികളും വിതരണം ചെയ്യുന്നുണ്ട്​.

ഡൽഹി അതിർത്തിയിൽ നടുറോഡിൽ സമരം ചെയ്യുന്ന തങ്ങളുടെ സഹോദരങ്ങൾക്ക്​ കൊടുക്കാ​െനന്തെങ്കിലും കൈയിൽ കരുതിയല്ലാതെ പഞ്ചാബിൽനിന്നുള്ളവർ സമരത്തിന്​ വരുന്നില്ല. വൃത്തിയുടെ കാര്യത്തിൽ വിട്ടുവീഴ​്​ചയില്ലാതെയാണ്,​ ഒരു നഗരം കൊണ്ടുനടക്കുന്ന പോലെയാണിപ്പോൾ​ പഞ്ചാബി കർഷകർ സിംഘുവിനെ പരിപാലിക്കുന്നത്​.