ഹൂഗ്ലിയിൽ വീണ്ടും സംഘർഷം, കല്ലേറ്, ട്രെയിൻ സർവീസുകൾ വൈകി

ഹൂഗ്ലി: പശ്ചിമബംഗാളിൽ രാമ നവമിയോടനുബന്ധിച്ച് ആരംഭിച്ച സംഘർഷങ്ങളി അയവില്ല. തിങ്കളാഴ്ച രാത്രി വൈകി വീണ്ടും സംഘർഷം തുടങ്ങി. പശ്ചിമ ബംഗാളിലെ റിഷ്റയിലാണ് സംഘർഷം. ട്രെയിനുകളുൾപ്പെടെ റെയിൽവേയുടെ സ്വത്തുവകകൾ അക്രമികൾ നശിപ്പിച്ചു. രൂക്ഷമായ അക്രമം ട്രെയിൻ സർവീസിനെയും ബാധിച്ചു.

ലെവൽ ക്രോസിങ്ങിനു സമീപം അക്രമികൾ നടത്തിയ കല്ലേറിനെ തുടർന്ന്, ലോക്കൽ, മെയിൽ, എക്സ്പ്രസ് ട്രെയിൻ സർവീസുകൾ മൂന്നു മണിക്കൂറുോളം നിർത്തിവെച്ചുവെന്ന് കി​ഴക്കൻ മേഖല റെയിൽവേ ചീഫ് പബ്ലിക് റിലേഷൻസ് ഓഫീസർ കൗശിക് മിത്ര പറഞ്ഞു.

അർധരാത്രിക്ക് ശേഷമാണ് ട്രെയിൻ ഗതാഗതം പുനരാരംഭിച്ചത്. നിരവധി ദീർഘദൂര ട്രെയിനുകൾ വളരെ വൈകി. കലാപം നിയന്ത്രിക്കാനായി ശക്തമായ സംവിധാനങ്ങൾ ഹൂഗ്ലിയിൽ ഒരുക്കിയിട്ടുണ്ട്.