രാജസ്​ഥാനിൽ പെട്രോൾ ലിറ്ററിന്​ 112, ഡീസലും​ സെഞ്ച്വറി തൊട്ടു​; തകിടം മറിഞ്ഞ്​ ചരക്കു ഗതാഗത മേഖല

ന്യൂഡൽഹി: രാജ്യത്ത്​ കുതിച്ചുയർന്ന ഇന്ധനവിലയിൽ തകിടം മറിഞ്ഞ്​ ചരക്കുഗതാഗത മേഖല. ലോക്​ഡൗണിനെ തുടർന്നുണ്ടായ നഷ്​ടത്തിൽനിന്ന്​ കരകയറാൻ പാടുപെടുന്നതിനിടെയാണ്​ പെട്രോൾ -ഡീസൽ വില വർധനയിലെ ഇരട്ട പ്രഹരം.

തുടർച്ചയായ ഇന്ധനവില വർധനയിലൂടെ ചരക്കുഗതാഗത കേന്ദ്രസർക്കാർ മേഖലയെ കൊല്ലുകയാണ്​. വരുമാനത്തി​െൻറ 60 ശതമാനവും ഇന്ധനത്തിനായി ചെലവഴിക്കേണ്ടിവരുന്നു. ഇത്​ അംഗീകരിക്കാൻ സാധിക്കില്ലെന്നാണ്​ തമിഴ്​നാട്ടിലെ ലോറി ഉടമകളുടെ പ്രതികരണം.

മാർച്ച്​ 2020 മുതൽ ജൂലൈ ഒന്നുവരെ 28 തവണ ഡീസൽ വില വർധിപ്പിച്ചു. ചരക്കുകൂലി അതേപടി തുടരുകയും ചെയ്യുന്നു. ഒരു ഉപഭോക്താവും കൂടുതൽ പണം നൽകാൻ തയാറാകുന്നില്ല. ഇതിനെ തുടർന്ന് വായ്​പ തിരിച്ചടക്കുന്നതിനായി​ നിരവധി ​ലോറി ഉടമകൾ ബിസിനസ്​ വിടുകയും ലോറികൾ വിൽക്കുകയും ചെയ്​തു -തമിഴ്​നാട്​ ലോറി ഒാണേർസ്​ ഫെഡറേഷൻ സെക്രട്ടറി ആർ. വാങ്ക്​ലി പറയുന്നു.

ലോറി മേഖലയെ ആശ്രയിച്ചാണ്​ മെക്കാനിക്​ ഷോപ്പുകൾ, പെയിൻറിങ്​, മരത്തടി വ്യവസായം, ഒാ​േട്ടാമൊ​ബൈൽ ​ഷോപ്പുകൾ, ടയർ മേഖല, തുടങ്ങിയ അനുബന്ധ വ്യവസായങ്ങളും. പെട്രോൾ -ഡീസൽ വിലവർധനവ്​ ഇൗ മേഖലകളെയും പ്രതികൂലമായാണ്​ ബാധിച്ചിരിക്കുന്നത്​.

ഇന്ധനവിലയെ ആശ്രയിച്ചാണ്​ ചരക്കുഗതാഗത മേഖല. മോദി സർക്കാർ അധികാരത്തിലെത്തുന്നതിന്​ മുമ്പ്​ ഡീസൽ വില കുത്തനെ കുറക്കുമെന്ന്​ വാഗ്​ദാനം ചെയ്​തിരുന്നു. എന്നാൽ അത്​ പാലിക്കുന്നതിൽ പരാജയപ്പെട്ടു. മൻമോഹൻ സിങ്​ പ്രധാനമന്ത്രിയായിരുന്നപ്പോൾ ക്രൂഡ്​ ഒായിൽ വില 120 യു.എസ്​ ഡോളറായിരുന്നു. ഡീസൽ വില ലിറ്ററിന്​ 60 രൂപയും. എട്ടായിരുന്നു​ കേന്ദ്രത്തിന്​ നികുതിയിനത്തിൽ നൽകിയത്​. എന്നാൽ ഇപ്പോൾ ​​ക്രൂഡ്​ ഒായിലിന്​ 70 യു.എസ്​ ഡോളറാണ്​ വില. രാജ്യത്തെ ഡീസൽ വിലയാക​െട്ട 100 കടക്കുകയും ചെയ്​തു. നിലവിൽ 33 ആണ്​ കേന്ദ്രത്തി​െൻറ നികുതി, സംസ്​ഥാനങ്ങള​ുടേത്​ 21ഉം. കഴിഞ്ഞമാസം മാത്രം എണ്ണക്കമ്പനികൾ ഡീസൽ ലിറ്ററിന്​ 4.15 രൂപ വർധിപ്പിച്ചു -തമിഴ്​നാട്​ ലോറി ഒാണേർസ്​ ഫെഡറേഷൻ പ്രസിഡൻറ്​ സെല്ല രാമസാമി പറയുന്നു.

രാജ്യത്ത്​ മിക്കയിടങ്ങളിലും പെട്രോൾ വില ലിറ്ററിന്​ നൂറുരൂപ കടന്നിരുന്നു. രാജസ്​ഥാനിലെ ഗംഗാനഗറിൽ 112 രൂപയാണ്​ ഒരു ലിറ്റർ പെട്രോളി​െൻറ വില. മെട്രോ നഗരങ്ങളായ ചെന്നൈ, കൊൽക്കത്ത, ഡൽഹി, മുംബൈ, ബംഗളൂരു എന്നിവിടങ്ങളിൽ ഉൾപ്പെടെ പെട്രോൾ വില 100 കടന്നിരുന്നു. പെട്രോൾ വിലക്ക്​ തൊട്ടുപിന്നാലെ ഡീസൽ വിലയും ചിലയിടങ്ങളിൽ സെഞ്ച്വറി അടിച്ചു. രാജസ്​ഥാനിലെ ഗംഗാനഗറിൽ ഒരു ലിറ്റർ പെട്രോളിന്​ 102.87 രൂപയാണ്​ വില. മധ്യപ്രദേശിൽ ഡീസൽ വില ഞായറാഴ്​ച 100 തൊട്ടിരുന്നു. ഒഡീഷയിലും ഡീസൽ വില നൂറുകടന്നിരുന്നു.