ബാലഗംഗാതര തിലകി​െൻറ പ്രപൗത്രനെതിരെ പീഡനക്കേസ്​

പൂനെ: സ്വാതന്ത്ര്യസമര സേനാനി ബാലഗംഗാധര തിലകി​​െൻറ പ്രപൗത്രനും കോൺഗ്രസ് നേതാവുമായ രോഹിത് തിലകിനെതിരെ ലൈംഗിക പീഡന കേസ്​. വിവാഹ വാഗ്ദാനം നൽകി യുവതിയെ ബലാത്സംഗം ചെയ്​തുവെന്നും പ്രകൃതി വിരുദ്ധ പീഡനത്തിന് ഇരയാക്കിയെന്നുമാണ്​ കേസ്​. യുവതിയുടെ പരാതിയിൽ തിങ്കളാഴ്​ച വൈകിട്ടാണ്പൊലീസ്​ രോഹിത്തിനെതിരെ കേസ് രജിസ്​റ്റർ ചെയ്​തത്​. 

നാൽപ്പതുകാരിയായ സ്ത്രീയാണ്​ പരാതിക്കാരി. പരാതിക്കാരിയും രോഹിത്തും കഴിഞ്ഞ കുറച്ചു വർഷങ്ങളായി പരിചയക്കാരായിരുന്നു. വിവാഹ വാഗ്ദാനം നൽകി തന്നെ പീഡിപ്പിക്കുകയായിരുന്നുവെന്നു ചൂണ്ടിക്കാട്ടി ഇവർ കേസ് നൽകുകയായിരുന്നു.

2014ൽ മഹാരാഷ്ട്ര നിയമസഭയിലേക്ക് പുണെയിലെ കസ്ബ – പേത് മണ്ഡലത്തിൽനിന്ന് രോഹിത്​ മൽസരിച്ചെങ്കിലും ബി.ജെ.പിയുടെ ഗിരീഷ് ബാപത്തിനോടു പരാജയപ്പെട്ടിരുന്നു.  

അന്തരിച്ച മുതിർന്ന കോൺഗ്രസ് നേതാവും എം.പിയുമായിരുന്ന ജയന്ത്റാവു തിലകി​​െൻറ ചെറുമകനാണ് രോഹിത്.