Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകോവിഡ്​ അനാഥരാക്കിയ...

കോവിഡ്​ അനാഥരാക്കിയ കുഞ്ഞുങ്ങളെ ഏറ്റെടുത്ത്​ പഞ്ചാബ്​; സൗജന്യ വിദ്യാഭ്യാസത്തിനൊപ്പം പ്രതിമാസം 1500 രൂപയും

text_fields
bookmark_border
കോവിഡ്​ അനാഥരാക്കിയ കുഞ്ഞുങ്ങളെ ഏറ്റെടുത്ത്​ പഞ്ചാബ്​; സൗജന്യ വിദ്യാഭ്യാസത്തിനൊപ്പം പ്രതിമാസം 1500 രൂപയും
cancel

അമൃത്​സർ: കോവിഡ്​ കാരണം മാതാപിതാക്കളെ നഷ്​ടമായ കുട്ടികൾക്ക്​ പ്രതിമാസം 1500 രൂപ സാമൂഹ്യ സുരക്ഷ പെൻഷനായി നൽകാൻ പഞ്ചാബ്​ സർക്കാർ തീരുമാനിച്ചു. ഈ കുഞ്ഞുങ്ങൾക്ക് ബിരുദതലം വരെ​ സൗജന്യ വിദ്യാഭ്യാസവും നൽകും. അത്താണിയെ നഷ്​ടപ്പെട്ട കുടുംബങ്ങൾക്ക്​ സാമ്പത്തിക സഹായം നൽകാനും തീരുമാനമായി. ജൂ​ൈല ഒന്ന്​ മുതൽ ആനുകൂല്യങ്ങൾ നൽകി തുടങ്ങും.

കോവിഡ്​ മഹാമാരി മൂലം അനാഥരായ കുഞ്ഞുങ്ങൾക്കും ഗൃഹനാഥനെ നഷ്​ടമായ കുടുംബത്തിലെ കുഞ്ഞുങ്ങൾക്കും സർക്കാർ സ്​ഥാപനങ്ങളിലാകും വിദ്യാഭ്യാസ സൗകര്യം ഒരുക്കുക. തങ്ങളുടെ പ്രിയപ്പെട്ടവരെ നഷ്​ടമായ ആ കുഞ്ഞുങ്ങളുടെ വളർത്തച്ഛൻ ആകേണ്ടത്​ സർക്കാറിന്‍റെ ഉത്തരവാദിത്വമാണെന്ന്​ മുഖ്യമന്ത്രി അമരീന്ദർ സിങ്​ പറഞ്ഞു.

അനാഥർക്ക് 21 വയസ്സ് തികയുന്നതുവരെയും ഗൃഹനാഥരെ നഷ്​ടമായവരുടെ കുടുംബങ്ങൾക്ക് മൂന്ന് വർഷത്തേക്കും ആനുകൂല്യങ്ങൾ ലഭ്യമാക്കും. അതിനുശേഷം സ്ഥിതിഗതികൾ വിലയിരുത്തി തീരുമാനമെടുക്കുമെന്നും മുഖ്യമന്ത്രിയുടെ ഓഫീസ്​ അറിയിച്ചു.

കോവിഡ് ബാധിതർക്ക് 51,000 രൂപ ഗ്രാന്‍റ്​ നൽകുന്ന ആശീർവാദ്​ പദ്ധതിക്ക്​ ജൂലൈ ഒന്നിന്​ തുടക്കമാകും. ഇവർക്ക്​ സംസ്ഥാന സ്മാർട്ട് റേഷൻ കാർഡ് പദ്ധതി പ്രകാരം സൗജന്യ റേഷനും സർബത്ത് സേഹത്ത് ബിമ യോജനയ്ക്ക് കീഴിൽ ഇൻഷൂറൻസ്​ കവറേജ് ലഭിക്കുമെന്നും സർക്കാർ അറിയിച്ചു.

ദുരിതബാധിതരായ കുടുംബാംഗങ്ങൾക്ക് 'ഘർ ഘർ റോസ്‌ഗാർ ടെ കരോബാർ മിഷൻ' കീഴിൽ അനുയോജ്യമായ ജോലി കണ്ടെത്താൻ സർക്കാർ സഹായിക്കും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:punjaborphan childSocial Security Pensioncovid 19
News Summary - Free education ₹1500 per month to kids orphaned due to covid 19 in Punjab
Next Story