തുർക്കിയക്ക് സഹായവുമായി ഫ്രറ്റേണിറ്റിയും അസാപും

ന്യൂഡൽഹി: ഡൽഹി യൂണിവേഴ്സിറ്റിയിലെ ഫ്രറ്റേണിറ്റി മൂവ്മെന്റും അസാപ് സ്റ്റുഡന്റസ് കമ്മ്യൂണിറ്റിയും സംയുക്തമായി തുർക്കിയ ഭൂകമ്പ ബാധിതർക്ക് ശേഖരിച്ച സ്ലീപ്പിങ് ബാഗുകൾ, സ്വെറ്ററുകൾ സാനിറ്ററി പാഡുകൾ, കുട്ടികൾക്കുള്ള ഡൈപ്പറുകൾ എന്നിവ അടക്കമുള്ള ദുരിതാശ്വാസ സഹായങ്ങൾ തുർക്കി എംബസി അറ്റാഷേക്ക് കൈമാറി.

ഫ്രറ്റേണിറ്റി മൂവ്മെന്റ് ഡൽഹി യൂണിവേഴ്സിറ്റി പ്രസിഡന്റ്‌ ഫയ്യാസ് അഷ്‌റഫ് അസാപ് കൺവീനർ നവാർ ഇലഫ് യൂണിറ്റ് എക്സിക്യൂട്ടീവ് അംഗങ്ങളായിട്ടുള്ള അമീൻ അഹ്സൻ, ഫിദ ബിലാൽ, ജസീം എന്നിവർ ചേർന്ന് ന്യൂഡൽഹിയിലെ തുർക്കി എംബസിക്ക് കൈമാറി.