കശ്മീരിലെ ചിനാമ്പ് നദിയിൽ കാർ മറിഞ്ഞ് നാലു പേരെ കാണാതായി

ഡോദ: ജമ്മു കശ്മീരിലെ ചിനാമ്പ് നദിയിൽ നിയന്ത്രണംവിട്ട കാർ മറിഞ്ഞ് നാലു പേരെ കാണാതായി. ഇന്ന് പുലർച്ചെ ഡോദ ജില്ലയിലെ ഷിപ്നോട്ട് ഏരിയയിലാണ് അപകടമുണ്ടായത്. നദിയിൽ രക്ഷാപ്രവർത്തനം പുരോഗമിക്കുന്നതായി റിപ്പോർട്ട്.

ഡോദയിൽ നിന്ന് കിഷ്ത്വാറിലേക്ക് പോവുകയായിരുന്നു നാലംഗ സംഘം. ഷിബ്നോത്-കരാര ഏരിയയിൽവെച്ച് റോഡിൽ നിന്ന് കാർ നിയന്ത്രണംവിട്ട് നദിയിൽ പതിക്കുകയായിരുന്നു.

അപകട സ്ഥലത്ത് നിന്ന് കാണാതായ ഒരാളുടെ തിരിച്ചറിയൽ രേഖ ലഭിച്ചതായി ഡെപ്യൂട്ടി പൊലീസ് കമീഷണർ വിശേഷ് പോൾ മഹാജൻ വ്യക്തമാക്കി.