ജമ്മുവിൽ ഏറ്റുമുട്ടൽ; നാല്​ ഭീകരർ കീഴടങ്ങി

ശ്രീനഗര്‍: ജമ്മു-കശ്‌മീരില്‍ സുരക്ഷാ സൈന്യവുമായുണ്ടായ ഏറ്റുമുട്ടലിനൊടുവില്‍ നാല് തീവ്രവാദികള്‍ കീഴടങ്ങി.  അടുത്തിടെ ഭീകര സംഘടനയില്‍ ചേര്‍ന്നവരാണ്​കീഴടങ്ങിയവരെല്ലാമെന്ന്​ സ്ഥിരീകരിച്ചിട്ടുണ്ട്​. ജമ്മുവിലെ കുപ്‌വാര ജില്ലയിലാണ് ഏറ്റുമുട്ടല്‍ നടന്നത്. 

നിയന്ത്രണ രേഖയില്‍ നുഴഞ്ഞു കയറാന്‍ ശ്രമിക്കവേ സൈന്യവും പൊലീസും സംയുക്തമായാണ്​ ഇവരെ കീഴ്​പെടുത്തിയത്​. ഏഴ് തീവ്രവാദികളുണ്ടായിരുന്നതിൽ മൂന്നു പേര്‍ സൈന്യത്തിന് നേരെ വെടിയുതിര്‍ത്ത്​ രക്ഷപ്പെടുകയായിരുന്നുവെന്ന്​ സൈനിക വക്​താവ്​ രാജേഷ്​ കാലിയ അറിയിച്ചു. ഇവർക്ക്​ വേണ്ടിയുള്ള തെരച്ചിൽ സൈന്യം ആരംഭിച്ചിട്ടുണ്ട്​.