Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഡ്രൈവിങ്​ ലൈസൻസ്​ മുതൽ ...

ഡ്രൈവിങ്​ ലൈസൻസ്​ മുതൽ ബാങ്ക്​ അക്കൗണ്ട്​ വരെ; ജൂലൈ ഒന്ന്​ മുതൽ നിലവിൽ വരുന്ന നാല്​ സു​പ്രധാന മാറ്റങ്ങൾ അറിയാം

text_fields
bookmark_border
driving licence bank account
cancel

ന്യൂഡൽഹി: ഈ വർഷം ജൂലൈ ഒന്ന്​ മുതൽ ഡ്രൈവിങ്​ ലൈസൻസ്​, ബിസിനസ്​, നികുതി എന്നിവയുമായി ബന്ധപ്പെട്ട്​ ചില സുപ്രധാന മാറ്റങ്ങൾ നടപ്പിൽ വരാൻ പോകുകയാണ്​. അടിസ്​ഥാന ബാങ്ക്​ നിക്ഷേപങ്ങൾക്കുള്ള സർവീസ്​ ചാർജ്​ സ്​റ്റേറ്റ്​ ബാങ്ക്​ ഓഫ്​ ഇന്ത്യ മാറ്റാൻ പോകുന്നതാണ്​ അതിൽ ഒന്ന്​. എൽ.പി.ജി സിലിണ്ടർ വിലയിലും മാറ്റം വരാൻ പോകുകയാണ്​. ജൂലൈ ഒന്ന്​ മുതൽ എന്തെല്ലാം മാറ്റങ്ങളാണ്​ നടപ്പിൽ വരാൻ പോകുന്നതെന്ന്​ നോക്കാം.

എസ്​.ബി.ഐ സർവീസ്​ ചാർജിൽ മാറ്റം

സ്​​റ്റേ​റ്റ്​ ബാ​ങ്ക്​ ഓ​ഫ്​ ഇ​ന്ത്യ​യു​ടെ (എ​സ്.​ബി.​ഐ) ബേ​സി​ക്​ സേ​വി​ങ്​​സ്​ അ​ക്കൗ​ണ്ടി​ലെ (ബി.​എ​സ്.​ബി.​ഡി) പു​തി​യ സേ​വ​ന​നി​ര​ക്കു​ക​ൾ ജൂ​ലൈ ഒ​ന്നു മു​ത​ൽ നി​ല​വി​ൽ വ​രും. എ.​ടി.​എ​മ്മി​ൽ നി​ന്ന്​ പ​ണം പി​ൻ​വ​ലി​ക്ക​ൽ, ചെ​ക്ക്​​​ബു​ക്, പ​ണം കൈ​മാ​റ്റം, നോ​ൺ ഫി​നാ​ൻ​ഷ്യ​ൽ ട്രാ​ൻ​സ്​​ഫ​റു​ക​ൾ തു​ട​ങ്ങി​യ​വ​ക്കാ​ണ്​ പു​തി​യ നി​ര​ക്കു വ​രു​ന്ന​ത്.

സ്വ​ന്തം ബ്രാ​ഞ്ചി​ൽ ​നി​ന്നോ എ.​ടി.​എ​മ്മി​ൽ​നി​ന്നോ ഒ​രു മാ​സം പ​ര​മാ​വ​ധി നാ​ലു​ത​വ​ണ പ​ണം സൗ​ജ​ന്യ​മാ​യി പി​ൻ​വ​ലി​ക്കാം. അ​തി​നു മു​ക​ളി​ലു​ള്ള ഓ​രോ പി​ൻ​വ​ലി​ക്ക​ലി​നും 15 രൂ​പ സർവീസ്​ ചാർജ്​. സൗ​ജ​ന്യ പ​രി​ധി​ക്കു ശേ​ഷം മ​റ്റു ബാ​ങ്കു​ക​ളു​ടെ എ.​ടി.​എ​മ്മി​ൽ​നി​ന്നു​ള്ള പി​ൻ​വ​ലി​ക്ക​ലി​നും 15 രൂ​പ സർവീസ്​ ചാർജ്​ ഈടാക്കും.

ഒ​രു സാ​മ്പ​ത്തി​ക വ​ർ​ഷം 10 ചെ​ക്ക്​​​ലീ​ഫു​ക​ൾ സൗ​ജ​ന്യ​മാ​യി ല​ഭി​ക്കും. അ​തി​നു​ശേ​ഷം 10 ലീ​ഫ്​ ഉ​ള്ള ചെ​ക്ക്​​ബു​ക്കി​ന്​ 40 രൂ​പയും നി​കു​തി​യും ഈ​ടാ​ക്കും. 25 ലീ​ഫു​ള്ള​തി​ന്​ 75 രൂ​പ​യും നി​കു​തി​യും 10 ലീ​ഫു​ള്ള അ​ടി​യ​ന്ത​ര ചെ​ക്​​ബു​ക്കി​ന്​ 50 രൂ​പ​യും നി​കു​തി​യും ഈ​ടാ​ക്കും. മു​തി​ർ​ന്ന പൗ​ര​ന്മാ​രെ​ ചെ​ക്ക്​​​ബു​ക്കി​നു​ള്ള പു​തി​യ നി​ര​ക്കി​ൽ​നി​ന്ന്​ ഒ​ഴി​വാ​ക്കി. എ​സ്.​ബി.​ഐ ബ്രാ​ഞ്ചി​ലും ​മ​റ്റു ബാ​ങ്കു​ക​ളു​ടെ ബ്രാ​ഞ്ചി​ലും ബേ​സി​ക്​ സേ​വി​ങ്​​സ്​ അ​ക്കൗ​ണ്ട്​ ഉ​ട​മ​ക്ക്​ പ​ണേ​ത​ര ഇ​ട​പാ​ട്​ സൗ​ജ​ന്യ​മാ​ണ്.

ഡ്രൈവിങ്​ ലൈസൻസ്​ വീട്ടിൽ നിന്ന്​

ലേണിങ്​ ലൈസൻസ്​ നേടാൻ ഇനി റീജ്യനൽ ട്രാൻസ്​പോർട്ട്​ ഓഫീസ്​ സന്ദർശിക്കേണ്ടതില്ല. ജൂലൈ 1 മുതൽ ഇത്തരം മാറ്റങ്ങൾക്ക്​ രാജ്യത്ത്​ തുടക്കമിടുകയാണ്.​ ആർ.‌.ടി‌ഒക്ക്​ മുന്നിലെ പരിശോധന കൂടാതെ തന്നെ ലൈസൻസ്​ ലഭിക്കുന്ന രീതിയാണ്​ വരാൻ പോകുന്നത്​. ​

ഓൺലൈൻ പരിശോധനക്കുമാത്രം വിധേയരായി ലൈസൻസ്​ നേടുക എന്ന പരിഷ്​കരണമാണ്​ കേന്ദ്രം നടപ്പാക്കാൻ ഒരുങ്ങ​​ുന്നത്​. ഇതിന്​ ആധുനികമായ ഡ്രൈവിങ്​ പരിശീലന കേന്ദ്രങ്ങൾ ആരംഭിക്കണമെന്നും ​കേന്ദ്ര റോഡ്​ ഹൈവേ ഗതാഗത മന്ത്രാലയം പറയുന്നു. ഡ്രൈവിങ്​ പരിശീലന കേന്ദ്രങ്ങളിൽ അപേക്ഷകരുടെ ഓൺലൈൻ ടെസ്​റ്റുകൾക്കായി സിമുലേറ്ററുകളും ടെസ്​റ്റിങ്​ ട്രാക്കുകളും ഉണ്ടായിരിക്കണം.

ഓൺലൈൻ ഡ്രൈവിങ്​ പരിശോധന ലൈസൻസ് നൽകൽ പ്രക്രിയയിൽ കാര്യക്ഷമതയും സുതാര്യതയും കൊണ്ടുവരുമെന്നാണ്​ പ്രതീക്ഷിക്കപ്പെടുന്നത്​

എൽ.പി.ജി വിലയിൽ മാറ്റം

ലിക്വിഫൈഡ്​ പെട്രോളിയം ഗ്യാസി​െൻറ (എൽ.പി.ജി) അല്ലെങ്കിൽ പാചകവാതകത്തി​െൻറ വില രണ്ടാഴ്​ച കുടു​േമ്പാൾ പുതുക്കി നിശ്ചയിക്കാറുണ്ട്​. വിപണിയിലെ ഏറ്റക്കുറച്ചിലുകൾ, ആവശ്യകത, വിതരണ ഇടവേള എന്നിവ അനുസരിച്ച് എണ്ണ കമ്പനികൾ വില പരിഷ്കരിക്കുന്നു.

വിവാദ്​ സേ വിശ്വാസ്​ ആഗസ്​റ്റ്​ 31 വരെ

വിവാദ്​ സേ വിശ്വാസ്​ പദ്ധതി പ്രകാരം പലിശ കൂടാതെ നികുതിയടക്കാനുള്ള കാലാവധി കേന്ദ്ര സർക്കാർ ദീർഘിപ്പിച്ചു. ജൂൺ 30 മുതൽ ആഗസ്​റ്റ്​ 31 വരെ പണമടക്കം.

Show Full Article
TAGS:SBI driving license LPG Rate vivad se viswas 
News Summary - four major changes from July 1st you must know From driving license to bank accounts
Next Story