കശ്മീരിൽ മേഘവിസ്ഫോടനം; മൂന്ന് കുട്ടികളുൾപ്പെടെ കുടുംബത്തിലെ നാലു പേർ മരിച്ചു

ശ്രീനഗർ: ജമ്മു കശ്മീരിലെ ബാരാമുല്ല ജില്ലയിലുണ്ടായ മേഘവിസ്ഫോടനത്തിൽ മൂന്ന് കുട്ടികളുൾപ്പെടെ കുടുംബത്തിലെ നാലു പേർ മരിച്ചു. ആരിഫ് ഹുസൈൻ ഖാരി (5), മുഹമ്മദ് താരീഖ് ഖാരി (8), നാസിയ അക്തർ (14), ഷഹ്നാസ ബീഗം (30) എന്നിവരാണ് മരിച്ചത്.

സോപോർ മേഖലയിൽ ശനിയാഴ്ച രാത്രിയായിരുന്നു സംഭവമെന്ന് അധികൃതർ അറിയിച്ചു. പൊലീസും ദുരന്ത നിവാരണ സേനയും സ്ഥലത്തെത്തിയാണ് മൃതദേഹം കണ്ടെടുത്തത്.

മുഹമ്മദ് ബാഷിർ ഖാരി (80) എന്നയാളെ ഇതുവരെ കണ്ടെത്തിയിട്ടില്ല.