ഗുസ്​തി താരത്തി​െൻറ കൊലപാതകം: സുശീൽകുമാറി​െൻറ കൂട്ടാളികളായ നാലുപേർ പിടിയിൽ

ന്യൂഡൽഹി: ദേശീയ ജൂനിയർ ഗുസ്​തി ജേതാവായ സാഗർ ധൻകറിനെ കൊലപ്പെടുത്തിയ കേസിൽ ഹരിയാനക്കാരായ നാല്​ കുറ്റവാളികളെ പൊലീസ്​ അറസ്​റ്റ്​ ചെയ്​തു.

മേയ്​ നാലിന്​ രാത്രിയിലാണ്​ ഡൽഹിയിലെ ഛത്രസാൽ സ്​റ്റേഡിയത്തിന് പുറത്തെ പാർക്കിങ്​ സ്ഥലത്തായിരുന്നു സംഭവം​. കേസിൽ അറസ്​റ്റിലായ ഒളിമ്പ്യൻ സുശീൽ കുമാറി​െൻറ കൂടെ പിടിയിലായ പ്രതികളും ഉണ്ടായിരുന്നതായി പൊലീസ്​ പറഞ്ഞു. ക്രൂര മർദനത്തിനിരയായ സാഗർ ആശുപത്രിയിൽ വെച്ചാണ്​ മരിച്ചത്​.

ഭൂപേന്ദർ (38), മോഹിത്​ ആസോദ (22), ഗുലാബ്​ (24), മൻജീത്​ (29) എന്നിവരാണ്​ അറസ്​റ്റിലായതെന്ന്​ രോഹിണി ജില്ല ഡി.സി.പി പ്രണവ്​ തയാൽ പറഞ്ഞു. ഇവരാണ്​ സംഭവ ദിവസം മോഡൽ ടൗണിലുള്ള ഫ്ലാറ്റിൽ വെച്ച്​ സാഗറിനെയും സോനുവിനെയും തട്ടിക്കൊണ്ടുപോയതെന്നും ആരോപണമുണ്ട്​.

'2011ൽ ഇരട്ട കൊലപാതകക്കേസിൽ അറസ്​റ്റിലായ ഭൂപേന്ദർ 2021 ഫെബ്രുവരിയിലാണ്​ ജയിലിൽ നിന്നിറങ്ങിയത്​. ഇതിന്​ ശേഷം പ്രതികാരം ചെയ്യുന്നതിനായി ത​െൻറ ഗ​ുണ്ട സംഘത്തെ ഇയാൾ പുനരുജ്ജീവിപ്പിക്കുകയായിരുന്നു'-പ്രണവ്​ പറഞ്ഞു. ഗുണ്ടാനേതാവായ നവീൻ ബാലിയുടെ അടുത്തയാളാണ്​ അറസ്​റ്റിലായ മോഹിത്​. അറസ്​റ്റിലായ പ്രതികൾ കുറ്റം സമ്മതിച്ചിട്ടുണ്ട്​.

'12 മണിയോടടുത്ത സമയത്താണ്​ പ്രതികൾ രണ്ട്​ കാറിലായി സംഭവ സ്​ഥലത്തെത്തിയത്​. കുറ്റകൃത്യത്തിൽ ഉൾപെട്ട പ്രതികൾ സംഭവം വിശദീകരിച്ചു. പൊലീസ്​ വാഹനത്തി​െൻറ സൈറൺ കേട്ട്​ രക്ഷപ്പെടുന്നതിനിടെ പ്രതികൾക്ക്​ വാഹനങ്ങളും ആയുധവും ഉപേക്ഷിക്കേണ്ടി വന്നു'-പൊലീസ്​ ഉദ്യോഗസ്​ഥൻ പറഞ്ഞു.

കൊലപാതക കേസിൽ പ്രതിചേർക്കപ്പെട്ട സുശീലിനെ ഒളിവിൽ കഴിയവെയാണ് കഴിഞ്ഞ​ ​ശനിയാഴ്​ച രാത്രിയിൽ പഞ്ചാബിൽ നിന്നും അറസ്​റ്റ്​ ചെയ്​തത്​. രാജ്യത്തിന്​ അഭിമാനമായ താരത്തി​െൻറ നിലവിലെ അവസ്​ഥ കായിക ഇന്ത്യക്കും നാണക്കേടായി. സുശീൽകുമാർ ഗുസ്​തി സർക്യൂട്ടിൽ ഭയം സൃഷ്​ടിച്ചെടുക്കാനായി ദൃശ്യങ്ങൾ പകർത്തിയതായി പൊലീസ്​ പറഞ്ഞു.