ജെ.എൻ.യുവിൽ നാലു ദിവസം പഴക്കമുള്ള മൃതദേഹം കണ്ടെത്തി

ന്യൂഡൽഹി: ജെ.എൻ.യു സർവകലാശാലയിൽ മരത്തിൽ തൂങ്ങിയ നിലയിൽ ദിവസങ്ങൾ പഴക്കമുള്ള മൃതദേഹം കണ്ടെത്തി. സർവകലാശാല കാമ്പസിനു സമീപത്ത് കാടുപിടിച്ച സ്ഥലത്തെ മരത്തിനു മുകളിലാണ് മൃതദേഹം കണ്ടെത്തിയത്.

വെള്ളിയാഴ്ച ​വൈകീട്ട് 6.30 ഓടു കൂടിയാണ് മൃതദേഹം കണ്ടെത്തിയതായി പൊലീസിന് വിവരം ലഭിച്ചത്. മരത്തിൽ തൂങ്ങിയ നിലയിലായിരുന്നു. 40-45 വയസ് തോന്നിക്കുന്ന പുരുഷന്റെ മൃതദേഹമാണെന്ന് പൊലീസ് പറഞ്ഞു.

മൃതദേഹം ദ്രവിച്ച അവസ്ഥയിലായിരുന്നുവെന്നും മൂ​േനോ നാലോ ദിവസം പഴക്കമു​ണ്ടെന്നും പൊലീസ് പറഞ്ഞു. ഫൊറൻസിക് വിഭാഗവും സ്ഥലം സന്ദർശിച്ചു. മൃതദേഹം ​പോസ്റ്റ് മോർട്ടത്തിനയച്ചു.