Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightറായ്​പൂർ റെയിൽവേ...

റായ്​പൂർ റെയിൽവേ സ്​റ്റേഷനിൽ സ്​ഫോടനം; നാല്​ സി.ആർ.പി.എഫ്​ ജവാൻമാർക്ക്​ പരി​ക്ക്​

text_fields
bookmark_border
റായ്​പൂർ റെയിൽവേ സ്​റ്റേഷനിൽ സ്​ഫോടനം; നാല്​ സി.ആർ.പി.എഫ്​ ജവാൻമാർക്ക്​ പരി​ക്ക്​
cancel

ന്യൂഡൽഹി: റായ്​പൂർ റെയിൽവേ സ്​റ്റേഷനിലുണ്ടായ സ്​ഫോടനത്തിൽ നാല്​ സി.ആർ.പി.എഫ്​ ജവാൻമാർക്ക്​ പരിക്ക്​. ഡിറ്റണേറ്റർ ട്രെയിനിലേക്ക്​ മാറ്റുന്നതിനിടെ അബദ്ധത്തിൽ താഴെ വീണാണ്​ സ്​ഫോടനമുണ്ടായത്​. ശനിയാഴ്​ച രാവിലെ 6.30നാണ്​ സംഭവം.

ജമ്മുവിലേക്കുള്ള ട്രെയിനിൽ പുറപ്പെട്ട 122 ബറ്റാലിയൻ സി.ആർ.പി.എഫ്​ ജവാൻമാർക്കാണ്​ പരിക്കേറ്റത്​. ട്രെയിൻ പുറപ്പെടാൻ ഒരുങ്ങുന്ന സമയത്ത്​ സ്​ഫോടകവസ്​തുവുള്ള ഒരു ബോക്​സ്​ അബദ്ധത്തിൽ താഴെ വീഴുകയായിരുന്നു. പരിക്കേറ്റവരെ ഉടൻ ആശുപ്രതിയിൽ പ്രവേശിപ്പിച്ചുവെന്ന്​ പൊലീസ്​ അറിയിച്ചു.

ഹെഡ്​കോൺസ്​റ്റബിൾ വികാസ്​ ചൗഹാനാണ്​ ഗുരുതരമായി പരിക്കേറ്റിട്ടുണ്ട്​. മറ്റ്​ മൂന്ന്​ പേർക്ക്​ നിസാര പരിക്കുകളാണ്​ ഉള്ളത്​. മൂന്ന്​ പേരെയും ആശുപത്രിയിൽ പ്രവേശിപ്പിച്ച്​ പ്രാഥമിക ചികിത്സ നൽകിയതിന്​ ശേഷം ഡിസ്​​ചാർജ്​ ചെയ്​തുവെന്ന്​ സി.ആർ.പി.എഫ്​ അറിയിച്ചു. മുതിർന്ന സി.ആർ.പി.എഫ്​ ഉദ്യോഗസ്ഥർ റെയിൽവേ സ്​റ്റേഷൻ സന്ദർശിച്ചു. സംഭവത്തിൽ സി.ആർ.പി.എഫ്​ അന്വേഷണം പ്രഖ്യാപിച്ചിട്ടുണ്ട്​.

Show Full Article
TAGS:crpf 
News Summary - Four CRPF personnel injured in minor blast at Raipur railway station in Chhattisgarh
Next Story