Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightകശ്​മീരിൽ 24...

കശ്​മീരിൽ 24 മണിക്കൂറിനിടെ നാല്​ ഏറ്റുമുട്ടൽ; മൂന്ന്​ തീവ്രവാദികളെ വധിച്ചു

text_fields
bookmark_border
കശ്​മീരിൽ 24 മണിക്കൂറിനിടെ നാല്​ ഏറ്റുമുട്ടൽ; മൂന്ന്​ തീവ്രവാദികളെ വധിച്ചു
cancel

ശ്രീനഗർ: ജമ്മുകശ്​മീരിൽ കഴിഞ്ഞ 24 മണിക്കൂറിനുള്ളിൽ നടന്ന നാല്​ ഏറ്റുമുട്ടലുകളിലായി ലശ്​കറെ ത്വയ്യിബ ഭീകരരുൾപ്പെടെ മൂന്നു ഭീകരരെ വധിച്ചതായി പൊലീസ്​. നാല് തീവ്രവാദികളെ പിടികൂടിയതായും ആയുധങ്ങളും വെടിക്കോപ്പുകളും കണ്ടെടുത്തുവെന്നും ​ഡി.ജി.പി ദിൽഭാഗ്​ സിങ് അറിയിച്ചു.

വടക്കൻ കശ്മീരിലെ കുപ്​വാര ജില്ലയിലെ ഹന്ദ്​വാരയിലെ നടന്ന ഏറ്റുമുട്ടലിൽ രണ്ട് ലശ്​കറെ ത്വയ്യിബ തീവ്രവാദികൾ കൊല്ലപ്പെട്ടു. ഇതിൽ ഒരാൾ ലശ്​കർ കമാൻഡറായ നസീറുദിൻ ലോൻ ആണെന്ന്​ തിരിച്ചറിഞ്ഞിട്ടുണ്ട്​. ഇയാൾ ഏപ്രിൽ 18ന്​ സോപൂരിലു​ം മേയ്​ നാലിന്​ ഹന്ദ്​വാരയിലും സി.ആർ‌പി‌എഫ് ജവാൻമാരെ കൊലപ്പെടുത്തിയ കേസിൽ ഉൾപ്പെട്ട പ്രതിയാണെന്ന്​ കശ്​മീർ ഐ.ജി.പി വിജയ് കുമാർ അറിയിച്ചു.

കുൽഗാമിൽ ഭീകരർ ഒളിച്ചിരിക്കുന്നുവെന്ന വിവരത്തെ തുടർന്ന്​ സൈന്യം സംയുക്തമായി നടത്തിയ തെരച്ചിലിൽ ഹിസ്​ബുൽ മുജാഹിദ്ദീൻ ഭീകരൻ കൊല്ലപ്പെട്ടു. ഏറ്റുമുട്ടലിൽ രഷപ്പെട്ട രണ്ടുപേർക്കായുള്ള തെരച്ചിൽ തുടരുകയാണ്​.

ഈ രണ്ട് ഏറ്റുമുട്ടലുകൾക്ക് പുറമെ ഷോപ്പിയാനിലും സൗത്ത്​ കശ്​മീരിലുമുണ്ടായ ഏറ്റുമുട്ടലിൽ നാല് ഭീകരരെ അറസ്റ്റ് ചെയ്യുകയും ആയുധങ്ങളും വെടിക്കോപ്പുകളും പിടിച്ചെടുക്കുകയും ചെയ്​തു.

ആഗസ്​റ്റ്​ 19 ന്​ ഷോപ്പിയാനിലുണ്ടായ ഏറ്റുമുട്ടലിൽ ഒരു തീവ്രവാദിയെ കൊലപ്പെടുത്തിയിരുന്നു.കശ്​മീരിൽ നാലു ദിവസങ്ങൾക്കിടെ നടത്തിയ തീവ്രവാദ വിരുദ്ധ മുന്നേറ്റത്തിൽ ആറു തീവ്രവാദികളെയാണ്​ വധിച്ചത്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Jammu Kashmirencounterterroristsanti-terror operations
Next Story