സത്യേന്ദർ ജെയ്നിന്‍റെ അറസ്റ്റ്​: 2.85 കോടിയും സ്വർണവും കണ്ടെത്തിയെന്ന്​ ഇ.ഡി

ന്യൂ​ഡ​ല്‍ഹി: ക​ള്ള​പ്പ​ണ​ക്കേ​സു​മാ​യി ബ​ന്ധ​പ്പെ​ട്ട് അ​റ​സ്റ്റി​ലാ​യ ഡ​ല്‍ഹി ആ​രോ​ഗ്യ​മ​ന്ത്രി സ​ത്യേ​ന്ദ​ര്‍ ജെ​യ്നി​ന്‍റെ സ്ഥാ​പ​ന​ങ്ങ​ളി​ലും കേ​സു​മാ​യി ബ​ന്ധ​പ്പെ​ട്ട​വ​രു​ടെ വീ​ടു​ക​ളി​ലും തി​ങ്ക​ളാ​ഴ്ച ന​ട​ത്തി​യ റെ​യ്​​ഡി​ൽ 2.85 കോ​ടി രൂ​പ​യും 130 സ്വ​ർ​ണ നാ​ണ​യ​ങ്ങ​ളും ക​ണ്ടെ​ടു​ത്ത​താ​യി എ​ന്‍ഫോ​ഴ്‌​സ്‌​മെ​ന്‍റ്​ ഡ​യ​റ​ക്ട​റേ​റ്റ് (ഇ.​ഡി). ക​ണ​ക്കി​ൽ​പെ​ടാ​ത്ത സ്വ​ർ​ണ​വും പ​ണ​വും ഒ​ളി​പ്പി​ച്ചു​വെ​ച്ച നി​ല​യി​ലാ​ണ് ക​ണ്ടെ​ത്തി​യ​തെ​ന്നും ഇ.​ഡി അ​റി​യി​ച്ചു. അ​ങ്കു​ഷ് ജെ​യ്ന്‍, വൈ​ഭ​വ് ജെ​യ്ന്‍, ന​വീ​ന്‍ ജെ​യ്ന്‍, സി​ദ്ധാ​ര്‍ഥ് ജെ​യ്ന്‍ എ​ന്നി​വ​രു​ടെ വീ​ടു​ക​ളി​ല്‍നി​ന്ന് 2.23 കോ​ടി രൂ​പ പി​ടി​ച്ചെ​ടു​ത്തു. ക​ള്ള​പ്പ​ണം വെ​ളു​പ്പി​ക്കു​ന്ന​തി​ല്‍ ഇ​വ​ര്‍ സ​ത്യേ​ന്ദ​ര്‍ ജെ​യ്നി​നെ സ​ഹാ​യി​ച്ചു​ണ്ടെ​ന്നും ഇ.​ഡി പ​റ​ഞ്ഞു.

മേ​യ് 30നാ​ണ് ജെ​യ്നി​നെ ഇ.​ഡി അ​റ​സ്റ്റ് ചെ​യ്ത​ത്. ഹ​വാ​ല ഇ​ട​പാ​ടു​ക​ളി​ലൂ​ടെ കൊ‌​ൽ​ക്ക​ത്ത കേ​ന്ദ്ര​മാ​യ ക​മ്പ​നി​യി​ൽ​നി​ന്നു ല​ഭി​ച്ച 4.81 കോ​ടി രൂ​പ ക​ട​ലാ​സ് ക‌​മ്പ​നി​യു​ടെ പേ​രി​ലേ​ക്കു മാ​റ്റി, ഇ​തു​പ​യോ​ഗി​ച്ച് സ്ഥ​ലം വാ​ങ്ങി, കൃ​ഷി​സ്ഥ‌​ലം വാ​ങ്ങാ​ൻ എ​ടു​ത്ത വാ​യ്പ തി​രി​ച്ച​ട​ക്കാ​ൻ ഉ​പ​യോ​ഗി​ച്ചു എ​ന്നി​ങ്ങ​നെ​യാ​ണ് ഇ.​ഡി​യു​ടെ ക​ണ്ടെ​ത്ത​ൽ. മ​ന്ത്രി​യു​ടെ 4.81 കോ​ടിയു​ടെ സ്വ​ത്ത് ഇ.​ഡി നേ​ര​ത്തേ ക​ണ്ടു​കെ​ട്ടി​യി​രു​ന്നു.