Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_right'അബ്​ദുൽ കലാം ജിഹാദി,...

'അബ്​ദുൽ കലാം ജിഹാദി, പാകിസ്​ഥാന്​ ആറ്റംബോംബിന്‍റെ ഫോർമുല നൽകി; രാഷ്​ട്രപതിഭവനിൽ പ്രത്യേക സെൽ നടത്തിയിരുന്നു'

text_fields
bookmark_border
Former president APJ Abdul Kalam was Jihadi
cancel

മുൻ രാഷ്​ട്രപതി എ.പി.ജെ. അബ്​ദുൽകലാം ജിഹാദിയായിരുന്നെന്ന ആ​േരാപണവുമായി ഹിന്ദു പുരോഹിതൻ. കുളത്തിൽ നിന്ന്​ വെള്ളം കുടിച്ചതിന്‍റെ പേരിൽ മുസ്​ലിം ബാലനെ മർദിച്ച ക്ഷേത്രമായ ദസ്​ന ദേവി ക്ഷേത്രത്തിലെ മുഖ്യപുരോഹിതനായ യതി ​നരസിംഘാനന്ദ്​ സരസ്വതിയാണ്​ അബ്​ദുൽകലാമിനെ ജിഹാദിയെന്ന്​ വിളിച്ചത്​. ഡി.ആർ.ഡി.ഒയുടെ മേധാവിയായിരുന്ന കാലത്ത്​ അബ്​ദുൽകലാം അണുബോംബിന്‍റെ ഫോർമുല പാകിസ്​ഥാന്​ വിറ്റതായും നരസിംഘാനന്ദ്​ പറഞ്ഞു.


ഉന്നത പദവികളിലെത്തുന്ന ഒരു മുസ്​ലിമിനും രാജ്യസ്​​നേഹം ഉണ്ടാകില്ലെന്നും അതിനാൽതന്നെ കലാം ജിഹാദിയാണെന്നുമായിരുന്നു പുരോഹിതന്‍റെ വാദം. രാഷ്​ട്രപതിയായിരുന്ന കാലത്ത്​ അബ്​ദുൽകലാം രാഷ്​ട്രപതിഭവനിൽ മുസ്​ലിംകൾക്കായി ​പ്രത്യേക സെൽ രൂപീകരിച്ചിരുന്നതായും യതി പറഞ്ഞു. എന്തെങ്കിലും പ്രയാസങ്ങൾ അനുഭവിക്കുന്ന മുസ്​ലിംകൾക്ക്​ അവിടെ പരാതി പറയാൻ പ്രത്യേക അവസരം ഉണ്ടായിരുന്നതായും പുരോഹിതൻ പറയുന്നു. അലിഗറിൽ മാധ്യമപ്രവർത്തകരോട്​ സംസാരിക്കവേയാണ്​ യതി തന്‍റെ വാദങ്ങൾ നിരത്തിയത്​.


യതി പുരോഹിതനായ ഇതേ ക്ഷേത്രത്തിലാണ്​ അമ്പലക്കുളത്തിൽ നിന്ന്​ വെള്ളം കുടിച്ചതിന്‍റെ പേരിൽ മുസ്​ലിം ബാലനെ മർദിക്കുകയും അതിന്‍റെ വീഡിയോ എടുത്ത്​ പ്രചരിപ്പിക്കുകയും ചെയ്​തത്​. സംഭവത്തിന്‍റെ വിഡിയോ ദൃശ്യങ്ങൾ സമൂഹമാധ്യമങ്ങളിൽ പ്രചരിച്ചതോടെ അക്രമിയെ പൊലീസ്​ അറസ്റ്റ്​ ചെയ്​തിരുന്നു. ബിഹാർ സ്വദേശിയായ ശ്രീരംഗി നാനാദ്​ യാദവിനെയാണ്​ അറസ്റ്റ്​ ചെയ്​തത്​. കുട്ടിയുടെ പേര്​ ചോദിക്കുന്നതും തുടർന്ന്​ ക്രൂരമായി മർദിക്കുന്നതും വിഡിയോയിൽ കാണാമായിരുന്നു.


ബിഹാറിലെ ബഗൽപുർ സ്വദേശിക്കാണ്​ മർദനമേറ്റത്​. പ്രതി ആദ്യം കുട്ടിയുടെ പേരും പിന്നീട്​ പിതാവിന്‍റെ പേരും ചോദിച്ചു. തുടർന്ന്​ ക്ഷേത്രത്തിൽ കയറിയത്​ എന്തിനാണെന്നായിരുന്നു​ പ്രതിയുടെ ചോദ്യം. ​വെള്ളം കുടിക്കാൻ പോയതാണെന്ന മറുപടി ലഭിച്ചതോടെ ബാലനെ ക്രൂരമായി മർദ്ദിക്കുന്നതും വിഡിയോയിലുണ്ട്​.

Show Full Article
TAGS:apj abdul kalam Jihadi Hindu Priest 
Next Story