Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightപാർട്ടിവിട്ടുപോയ മുൻ...

പാർട്ടിവിട്ടുപോയ മുൻ ജാർഖണ്ഡ് കോൺഗ്രസ് പ്രസിഡൻറ് അജോയ് കുമാർ തിരികെയെത്തി

text_fields
bookmark_border
പാർട്ടിവിട്ടുപോയ മുൻ ജാർഖണ്ഡ് കോൺഗ്രസ് പ്രസിഡൻറ് അജോയ് കുമാർ തിരികെയെത്തി
cancel

ഡൽഹി: 2019ൽ പാർട്ടിവിട്ടുപോയ ജാർഖണ്ഡ് മുൻ കോൺഗ്രസ് പ്രസിഡൻറ്​ അജോയ് കുമാർ തിരിച്ചെത്തി. ആം ആദ്​മി പാർട്ടിയിൽ നിന്നാണ്​ അദ്ദേഹം കോൺഗ്രസിലേക്ക്​ മടങ്ങിയത്​. 'മുൻ എംപിയും ജാർഖണ്ഡ് പിസിസിയുടെ മുൻ പ്രസിഡൻറുമായ അജോയ് കുമാറിനെ കോൺഗ്രസ് പാർട്ടിയിൽ വീണ്ടും ചേരാനുള്ള നിർദ്ദേശത്തിന് കോൺഗ്രസ് പ്രസിഡൻറ്​ സോണിയഗാന്ധി​ അംഗീകാരം നൽകി'-എ.ഐ.സി.സി ജനറൽ സെക്രട്ടറി കെ.സി. വേണുഗോപാൽ പറഞ്ഞു.

'രാജ്യത്ത്​ നടക്കുന്ന അനീതിക്കും സ്ഥാപനങ്ങളുടെ പിടിച്ചെടുക്കലിനുമെതിരെ സംസാരിക്കാൻ രാഹുൽ ഗാന്ധി ത​െന്ന പ്രചോദിപ്പിച്ചതായും അതിനാൽ കോൺഗ്രസിലേക്ക് മടങ്ങാൻ തീരുമാനിച്ചതായും'അജോയ് കുമാറും ട്വീറ്റ്​ ചെയ്​തു. 'രാജ്യം നേരിടുന്ന കടുത്ത പ്രതിസന്ധികൾ​െക്കതിരെ പോരാടാൻ രാഹുൽ ഗാന്ധിയും സോണിയ ഗാന്ധിയും ജനങ്ങളെ പിന്തുണച്ചു. ഇന്ത്യയെന്ന ആശയത്തിൽ ഉറച്ചുനിൽക്കുന്നതിൽ അവർ സ്ഥിരത പുലർത്തുന്നതിനെ ഞാൻ അഭിനന്ദിക്കുന്നു. ഇത്​ എന്നെ വീണ്ടും കോൺഗ്രസിലേക്ക് വരാൻ പ്രേരിപ്പിച്ചു'-അദ്ദേഹം മറ്റൊരു ട്വീറ്റിൽ പറഞ്ഞു.

മുതിർന്ന കോൺഗ്രസ് നേതാവ് ജയറാം രമേശ് കുമാറിനെ പാർട്ടിയിലേക്ക്​ സ്വാഗതം ചെയ്തു. മുൻ ഐപിഎസ് ഉദ്യോഗസ്ഥനും പതിനഞ്ചാം ലോക്​സഭയിൽ ജംഷദ്‌പൂരിൽ നിന്നുള്ള എംപിയുമായിരുന്നു അജോയ് കുമാർ. കഴിഞ്ഞ വർഷം ജാർഖണ്ഡ് നിയമസഭാ തെരഞ്ഞെടുപ്പിന് മുന്നോടിയായി പാർട്ടിയിൽ നിന്ന് പുറത്തുപോവുകയായിരുന്നു. 2017 നവംബറിൽ ജെപിസിസി പ്രസിഡൻറായി നിയമിതനായി. 2019 ഓഗസ്റ്റിൽ രാജിവയ്​ക്കുകയും അടുത്ത മാസം ആം ആദ്​മി പാർട്ടിയിൽ ചേരുകയുമായിരുന്നു.

Show Full Article
TAGS:Congress Jharkhand Ajoy Kumar AAP rahul gandhi 
Next Story