ഗാർഹിക പീഡനം: മുൻ ഇന്ത്യൻ വനിത ഹോക്കി ടീം ക്യാപ്​റ്റ​െൻറ ഭർത്താവിനെതിരെ കേസ്​

ഇംഫാൽ: ഗാർഹിക പീഡനത്തിന് മുൻ ഇന്ത്യൻ വനിത ഹോക്കി ടീം ക്യാപ്​റ്റൻ വൈഖൊം സുരജ്​ ലത ദേവി​ ഭർത്താവിനെതിരെ നൽകിയ പരാതിയിൽ പൊലീസ്​ കേസെടുത്തു. തന്നെ ഭർത്താവ്​ ശാരീരിക,മാനസിക പീഡനങ്ങൾക്ക്​ വിധേയയാക്കുന്നുവെന്ന്​ സുരജ്​ ലത ദേവി പരാതിയിൽ പറയുന്നു.

വിവാഹം കഴിഞ്ഞ 2005 മുതൽ തന്നെ ഗാർഹിക പീഡനത്തിന്​ ​വിധേയയാവുന്നുണ്ടെന്നും സ്​ത്രീധനത ്തി​​െൻറ പേരിലാണ്​ പ്രധാനമായും പീഡനമെന്നും അവർ ഇംഫാലിൽ വിളിച്ചുചേർത്ത വാർത്താസമ്മേളനത്തിൽ പറഞ്ഞു. തനിക്ക്​ ലഭിച്ച മെഡലുകളും ചിത്രങ്ങളും വിവാഹദിനത്തിൽ എടുത്തു കാണിച്ചപ്പോൾ ഈ കിട്ടിയതുകൊ​ണ്ടെല്ലാം എന്ത്​ പ്രയോജനമെന്ന്​ ചോദിച്ച്​ ഭർത്താവ്​ ശാന്താ സിങ്​ തന്നെ പരിഹസിച്ചു. താൻ അർജ്ജുന പുരസ്​കാരം നേടിയത്​ വഴിവിട്ട സ്വഭാവത്തിലൂടെയാണെന്ന് ശാന്താ സിങ്​​ ആരോപിച്ചതായും അവർ വ്യക്തമാക്കി.

ഭർത്താവി​​െൻറ സ്വഭാവത്തിൽമാറ്റമുണ്ടാകുമെന്ന്​ കരുതിയാണ്​ ഇത്രകാലം സഹിച്ചത്​. ഇൗ വിഷയം പരസ്യമാക്കാൻ ആഗ്രഹിച്ചിരുന്നില്ല. എന്നിരുന്നാലും ഒരാളുടെ ക്ഷമക്കും സഹനത്തിനും പരിധിയുണ്ടെന്നും സുരജ്​ ലത ദേവി പറഞ്ഞു.

സുരജ്​ ലത ദേവിയുടെ നേതൃത്വത്തിലാണ്​ 2002ലെ കോമൺവെൽത്ത്​ ഗെയിംസിലും 2003ലെ ആഫ്രോ-ഏഷ്യൻ ഗെയിംസിലും 2004ലെ ഏഷ്യാ കപ്പ്​ ഹോക്കിയിലുമായി മൂന്ന്​ സ്വർണ മെഡൽ ഇന്ത്യൻ വനിത ഹോക്കി ടീം കരസ്ഥമാക്കിയത്​. 2002 കോമൺവെൽത്ത്​ ഗെയിംസ്​ വിജയത്തെ ഇതിവൃത്തമാക്കിയാണ്​ ഷാരൂഖ്​ ഖാൻ നായകനായ ഛക്​ദേ ഇന്ത്യ’ എന്ന ബോളിവുഡ്​ ചിത്രം പിറന്നത്​​.

സുൽത്താൻപൂർ ലോധിയിലെ റെയിൽ കോച്ച് ഫാക്ടറി സംഘടിപ്പിച്ച ഹോക്കി ടൂർണമ​െൻറിൽ ഔദ്യോഗിക ചുമതല വഹിക്കുന്നതിനിടെ 2019 നവംബറിൽ പഞ്ചാബിലെ കപൂർത്തലയിൽ വച്ച് മദ്യപിച്ചെത്തിയ ഭർത്താവ് തന്നെ മർദ്ദിച്ചതോടെയാണ്​ പരാതി നൽകാൻ തീരുമാനിച്ചതെന്ന്​ സുരജ്​ ലത ദേവി പറഞ്ഞു.

സുരജ്​ ലത ദേവി ജനുവരിയിൽ മണിപ്പൂർ പൊലീസ്​ സ്​റ്റേഷനിൽ നൽകിയ പരാതിയുടെ അടിസ്ഥാനത്തിൽ കേസെടുത്തതായും കേസ്​ സുൽത്താൻപൂർ ലോധി പൊലീസ്​ സ്​റ്റേഷന്​​ കൈമാറിയിട്ടുണ്ടെന്നും പൊലീസ്​ സൂപ്രണ്ട്​ പറഞ്ഞു.