ഹിമാചൽ പ്രദേശ്​ മുൻ മുഖ്യമന്ത്രി വീർഭ​ദ്ര സിങ്​ അന്തരിച്ചു

ഷിംല: ഹിമാചൽ പ്രദേശ്​ മുൻ മുഖ്യമന്ത്രിയും മുതിർന്ന കോൺഗ്രസ്​ നേതാവുമായ വീർഭ​ദ്ര സിങ്​ അന്തരിച്ചു. 87 വയസായിരുന്നു. ഇന്ദിര ഗാന്ധി മെഡിക്കൽ കോളജിൽ രാവിലെ 3.40ഒ​ാടെയാണ്​ ദീർഘനാളായി ചികിത്സയിലായിരുന്ന അദ്ദേഹത്തി​െൻറ അന്ത്യം.

തിങ്കളാഴ്​ച രാവിലെ അദ്ദേഹത്തിന്​ ഹൃദയാഘാതം സംഭവിച്ചതോടെ​ ഗുരുതരാവസ്​ഥയിലായിരുന്നു. തുടർന്ന്​ അത്യാഹിത വിഭാഗത്തിൽ ചികിത്സയിലായിരുന്നതായി ഡോ. ജനക്​ രാജ്​ പറഞ്ഞു.

ബുധനാഴ്​ച ശ്വാസ തടസം അനുഭവപ്പെട്ടതിനെ തുടർന്ന്​ വീർഭദ്രയെ വെൻറിലേറ്റിൽ പ്രവേശിപ്പിക്കുകയായിരുന്നുവെന്നും ഡോക്​ടർ കൂട്ടിച്ചേർത്തു.

ഒമ്പതുതവണ എം.എൽ.എയും അഞ്ചുതവണ എം.പിയുമായിരുന്നു അദ്ദേഹം. കൂടാതെ ആറുതവണ ഹിമാചൽ പ്രദേശ്​ മുഖ്യമന്ത്രി സ്​ഥാനം അലങ്കരിക്കുകയും ചെയ്​തിരുന്നു. കൂടാതെ കേന്ദ്ര ഉപമന്ത്രിയുമായിരുന്നു.

ജൂൺ 11ന്​ വീർഭദ്രക്ക്​ കോവിഡ്​ 19 സ്​ഥിരീകരിച്ചിരുന്നു. രണ്ടുമാസത്തി​നിടെ രണ്ടാമതും കോവിഡ്​ സ്​ഥിരീകരിക്കുകയായിരുന്നു. നേരത്തേ ഏപ്രിൽ 12ന്​ ഇദ്ദേഹത്തിന്​ കോവിഡ്​ സ്​ഥിരീകരിച്ചിരുന്നു. അന്ന്​ അദ്ദേഹത്തെ ഛണ്ഡീഗഡിലെ ആശുപത്രിയിൽ പ്രവേശിപ്പിച്ചിരുന്നു. തുടർന്ന്​ ഏപ്രിൽ 30ന്​ അദ്ദേഹം വീട്ടിലേക്ക്​ മടങ്ങുകയും ചെയ്​തു.

എന്നാൽ വീട്ടിലെത്തി മണിക്കൂറുകൾക്കകം നെഞ്ചുവേദനയും ശ്വാസ തടസവും അ​നുഭവപ്പെട്ടതിനെ തുടർന്ന്​ ഇന്ദിര ഗാന്ധി മെഡിക്കൽ കോളജിൽ പ്രവേശിപ്പിക്കുകയായിരുന്നു. അന്നുമുതൽ അദ്ദേഹം അവിടെ ചികിത്സയിലായിരുന്നു.

മുൻ എം.പി കൂടിയായ പ്രതിഭ സിങ്ങാണ്​ ഭാര്യ. എം.എൽ.എയായ വിക്രമാദിത്യ സിങ്ങാണ്​ മകൻ.