ആരോഗ്യനില മോശം; അരുൺ ജെയ്​റ്റ്​ലിയെ ഡൽഹി എയിംസിൽ പ്രവേശിപ്പിച്ചു

ന്യൂഡൽഹി: മുൻ കേന്ദ്രമന്ത്രിയും ബി.ജെ.പി നേതാവുമായ അരുൺ ജെയ്​റ്റ്​ലിയെ ഡൽഹി എയിംസിൽ പ്രവേശിപ്പിച്ചു. ശ്വാസ തട സം അനുഭവപ്പെട്ടതിനെ തുടർന്നാണ്​ ജെയ്​റ്റ്​ലിയെ ആശുപത്രിയിൽ പ്രവേശിപ്പിച്ചത്​.

കേന്ദ്ര ആഭ്യന്തര മന്ത്രി അമിത്​ ഷായും ലോക്​സഭ സ്​പീക്കർ ഓം ബിർളയും ആശുപത്രിയിലെത്തി അദ്ദേഹത്തിൻെറ ആരോഗ്യ വിവരങ്ങൾ ആരാഞ്ഞു. ഒന്നാം മോദി സർക്കാറിൽ ധനമന്ത്രിയുടെ ചുമതലായണ്​ അരുൺ ജെയ്​റ്റ്​ലി വഹിച്ചിരുന്നത്​.

കഴിഞ്ഞ ജനുവരിയിൽ ജെയ്​റ്റ്​ലി അമേരിക്കയിൽ ശസ്​ത്രക്രിയക്ക്​ വിധേയനായിരുന്നു. അർബുദത്തെ തുടർന്നായിരുന്നു ശസ്​ത്രക്രിയ. അരുൺ ജെയ്​റ്റ്​ലിയുടെ ആരോഗ്യനില മോശമായതി​നെ തുടർന്ന്​ ഒന്നാം മോദി സർക്കാറിൻെറ അവസാന ബജറ്റ്​ അവതരിപ്പിച്ചത്​ റെയിൽവേ മന്ത്രി പിയൂഷ്​ ഗോയലായിരുന്നു.