ഡൽഹി മുൻ ആരോഗ്യ മന്ത്രി എ.കെ വാലിയ കോവിഡ്​ ബാധിച്ചു മരിച്ചു

ന്യൂഡൽഹി: മുതിർന്ന കോൺഗ്രസ് നേതാവും ഡൽഹിയുടെ മുൻ ആരോഗ്യമന്ത്രിയുമായിരുന്ന ഡോ. എ.കെ വാലിയ കോവിഡ് -19 ബാധിച്ച്​ മരിച്ചു. അദ്ദേഹത്തിന്​ 72 വയസായിരുന്നു. ഡൽഹിയിലെ അപ്പോളോ ആശുപത്രിയിൽ ചികിത്സയിലിരിക്കെയാണ്​ മരണം സംഭവിച്ചത്​.

സംസ്​ഥാനത്തെ ഒന്നും രണ്ടും മൂന്നും നിയമസഭകളിൽ അംഗമായിരുന്നു വാലിയ. തൊഴിൽപരമായി ഡോക്​ടറായിരുന്ന അദ്ദേഹം 1972 ൽ ഇൻഡോറിലെ എംജിഎം മെഡിക്കൽ കോളേജിൽ നിന്നാണ്​ എം.ബി.ബി.എസ് ബിരുദം നേടിയത്​.