ഛത്തീസ്​ഗഢിലെ ആദ്യ മുഖ്യമന്ത്രി അജിത്​ ജോഗി അന്തരിച്ചു

റായ്​പൂർ: ഛത്തീസ്​ഗഢിലെ ആദ്യ മുഖ്യമന്ത്രി അജിത്​ ജോഗി(74) അന്തരിച്ചു. മകൻ അമിത്​ ജോഗിയാണ്​ മരണവിവരം പുറത്ത്​ വിട്ടത്​. കോട്ട എം.എൽ.എയായ രേണു ജോഗിയാണ്​ ഭാര്യ.

കഴിഞ്ഞ മാസം ഹൃദയാഘാതമുണ്ടായതിനെ തുടർന്നാണ്​ ജോഗിയെ റായ്​പൂർ ആശുപത്രിയിൽ പ്രവേശിപ്പിച്ചത്​്​. ആശുപത്രിയിലെത്തിയതിന് ശേഷം അദ്ദേഹം കോമ സ്​റ്റേജിലായിരുന്നു.

2000 നവംബർ മുതൽ 2003 നവംബർ വരെയാണ്​ അദ്ദേഹം ഛത്തീഗഢി​​െൻറ മുഖ്യമന്ത്രി സ്ഥാനം വഹിച്ചത്​. മർവാഹി സീറ്റിൽ നിന്നാണ്​ അദ്ദേഹം വിജയിച്ചത്​. 2016ൽ അദ്ദേഹം ജനതാ കോൺഗ്രസ്​ ഛത്തീസ്​ഗഢ്​(ജെ) എന്ന പാർട്ടി രൂപീകരിച്ചിരുന്നു.