മുൻ എം.പിയുടെ മകൻ തോക്കുമായി പഞ്ചനക്ഷത്ര ഹോട്ടലിൽ; വിഡിയോ വൈറൽ VIDEO

ന്യൂഡൽഹി: മുൻ പാർലമെന്‍റ് അംഗത്തിന്‍റെ മകൻ തോക്കുമായി പഞ്ചനക്ഷത്ര ഹോട്ടലിൽ എത്തിയതിന്‍റെ വിഡിയോ വൈറലായി. ബി. എസ്.പി നേതാവിന്‍റെ മകൻ ആശിഷ് പാണ്ഡെയാണ് തോക്കുമായി ഹോട്ടലിലെത്തി പരിഭ്രാന്തി സൃഷ്ടിച്ചത്.

തോക്കുമായി ആളുകളുടെ മുമ്പിലൂടെ ഹോട്ടലിലെത്തിയ ആശിഷ് പാണ്ഡെ ഒരു യുവതിയോട് കയർത്ത് സംസാരിക്കുകയും ചീത്ത വിളിക്കുകയും ചെയ്തു. യുവതിയുടെ സുഹൃത്തും ഹോട്ടലിലെ സുരക്ഷാ ഗാർഡും ആശിഷിനെ സമാധാനപ്പെടുത്താൻ ശ്രമം നടത്തുന്നതും ദൃശ്യങ്ങളിൽ കാണാം.

ഒക്ടോബർ 14 ഞായറാഴ്ച ഒരു പാർട്ടിക്ക്് ശേഷമാണ് സംഭവം അരങ്ങേറിയത്. വൈറലായ വിഡിയോ ശ്രദ്ധയിൽപ്പെട്ട ഡൽഹി പൊലീസ് സംഭവത്തിൽ ആയുധ നിയമപ്രകാരം കേസ് രജിസ്റ്റർ ചെയ്തിട്ടുണ്ട്. ആശിഷിനെ അറസ്റ്റ് ചെയ്യുമെന്ന് പൊലീസ് അറിയിച്ചു.

#WATCH A man brandishes a gun outside a 5-star hotel in Delhi on October 14. A case has been registered in connection with the incident. #Delhi pic.twitter.com/G14eqVJU0U

— ANI (@ANI) October 16, 2018