'ബി.ജെ.പി വന്നാൽ കൊൽക്കത്തയിലൂടെ വനിതകൾക്ക്​ ഒറ്റക്ക്​ യാത്ര ചെയ്യാൻ പോലും പറ്റില്ല' -നടി തൃണമൂലിൽ ചേർന്നു

കൊൽക്കത്ത: തൃണമൂൽ കോ​ൺഗ്രസ്​ സ്ഥാനാർഥി പട്ടിക പ്രസിദ്ധീകരിച്ചതിന്​ പിന്നാലെ ബി.ജെ.പി നേതാവിന്​ പുറ​െമ മൂന്ന്​ സിനിമാ താരങ്ങളുൾപ്പടെ നാല്​ പേർ തൃണമൂൽ കോൺഗ്രസിൽ ചേർന്നു.

ബി.ജെ.പി കിസാൻ മോർച്ച നേതാവ്​ സ്വരാജ്​ ഗോഷ്​, ചലച്ചിത്ര താരങ്ങളായ പായൽ ദേയ്​,പ്രിയ പാൽ,റിസ്​വാൻ റബ്ബാനി ഷെയ്​ഖ്​ എന്നിവരാണ്​ തൃണമൂൽ കോൺഗ്രസിൽ ​ചേർന്നത്​.

എല്ലായ്​​പ്പോഴും തൃണമൂലിനെയാണ്​ പിന്തുണച്ചിരുന്നതെന്നും അതിനിയും തുടരുമെന്ന്​ നടൻ​ റിസ്​വാൻ പറഞ്ഞു.

ഒരുനടിയെന്ന നിലയിൽ ഷൂട്ടിങ്ങുൾപ്പടെയുള്ളവ കഴിഞ്ഞ്​ പലപ്പോഴും വീട്ടിലേക്ക്​ പോവുക വൈകിയായിരിക്കും. നിലവിൽ കൊൽക്കത്ത നഗരം സുരക്ഷിതമാണ്​, എന്നാൽ ബി.ജെ.പി അധികാരത്തിൽ വന്നാൽ ഈ നഗരം വനിതകൾക്ക്​ സുരക്ഷിതമായിരിക്കില്ല.

സ്​ത്രീകൾക്ക്​ നേ​രെയുള്ള അതിക്രമം കഴിഞ്ഞ വർഷങ്ങളിൽ കുറവായിരുന്നുവെന്നും, ഇനിയും ഈ നഗരം സുരക്ഷിതമായിരിക്കാൻ വേണ്ടി താൻ തൃണമൂലിൽ ചേരുകയാണെന്ന്​ അവർ പറഞ്ഞു.