Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightപെരുമ്പാമ്പിനെ...

പെരുമ്പാമ്പിനെ പിടിച്ച്​​ സെൽഫി; വനപാലക​െൻറ കഴുത്തിൽ കുരുക്കിട്ട്​ പാമ്പ്​ VIDEO

text_fields
bookmark_border
പെരുമ്പാമ്പിനെ പിടിച്ച്​​ സെൽഫി; വനപാലക​െൻറ കഴുത്തിൽ കുരുക്കിട്ട്​ പാമ്പ്​ VIDEO
cancel

കൊൽകത്ത:  പെരുമ്പാമ്പിനെ കഴുത്തിലിൽ തൂക്കി ഫോ​േട്ടാക്ക്​ പോസ്​ ചെയ്യുന്നതിനിടെ വനപാലക​ന്​ പാമ്പ്​ കൊടുത്ത പണിയുടെ ദൃശ്യങ്ങളാണ്​ ഇപ്പോൾ വൈറലാവുന്നത്​. പാമ്പിനെ കയ്യിൽ കിട്ടിയതോടെ തോളിലിട്ട്​ ജനങ്ങളെ കോരിത്തരിപ്പിക്കലായിരുന്നു അദ്ദേഹത്തി​​​​െൻറ ഉദ്ദേശം. എന്നാൽ പാമ്പ്​ വനപാലക​​​​െൻറ കഴുത്തിൽ വരിഞ്ഞു മുറുക്കി​. കൊൽകത്തയിൽ നിന്നും 600 കിലോമീറ്ററോളം അകലെയായി ജൽപൈഗുരി ഗ്രാമത്തിലായിരുന്നു സംഭവം. 

ഗ്രാമത്തിൽ അതിക്രമിച്ച്​ കടന്ന്​ ആടിനെ വയറ്റിലാക്കിയ ഭീമൻ പെരുമ്പാമ്പി​െന പിടികൂടാൻ ഗ്രാമവാസികളാണ് വനപാലകനെയും രണ്ട്​ കൂട്ടാളികളെയും വിളിച്ച്​​​ വരുത്തിയത്​. 

18 അടി നീളവും 40 കിലോയോളം ഭാരവുമുള്ള പെരുമ്പാമ്പിനെ പിടികൂടിയ വനപാലകൻ ത​​​​െൻറ ധൈര്യം കാണിക്കാനും ജനങ്ങളെ ആവേശം കൊള്ളിക്കാനുമായി പാമ്പിനെ തോളത്തിട്ട്​ ഫോ​േട്ടായെടുക്കാനായി തടിച്ച്​ കൂടിയവർക്ക്​​ അവസരം നൽകുകയായിരുന്നു. കാട്ടിൽ മാത്രം ജീവിച്ച്​ പരിചയമുള്ള പെരുമ്പാമ്പ്​ ആളും ആരവവും സെൽഫിയും ഫ്ലാഷുമൊക്കെ കണ്ട്​ പരിഭ്രാന്തനായി വനപാലക​​​​െൻറ കഴുത്തിന്​ ചുറ്റും ചുരുണ്ടു. 

ആരവം കൂടുന്നതിന്​ അനുസരിച്ച്​ പാമ്പ്​ വനപാലക​​​​െൻറ കഴുത്തിനിട്ട പിടി മുറുക്കിയതോടെ ധൈര്യം ചോർന്ന വനപാലകൻ സെൽഫിക്കാരെയും ജനങ്ങളെയും അവഗണിച്ച്​ ഒാടാൻ തുടങ്ങി. നിലവിളിയുമായി ജനങ്ങളും പിറകെ ഒാടി. പാമ്പി​​​​െൻറ വാലിലുണ്ടായിരുന്ന പിടുത്തവും കൈവിട്ടിരുന്നു. 

തുടർന്ന്​ മറ്റൊരു വന ഉദ്യോഗസ്ഥൻ വനപാലക​​​​െൻറ രക്ഷക്കെത്തുകയായിരുന്നു. ‘വാലിൽ പിടിക്കൂ, വാലിൽ പിടിക്കൂ’ എന്ന് ത​​​​െൻറ കൂടെ വന്ന കീഴുദ്യോഗസ്ഥനോട്​ അയാൾ​ അലറി വിളിച്ച്​ പറയുന്നുണ്ടായിരുന്നു. വനപാലകൻ മരണത്തോട്​ മല്ലിടുന്ന ദൃശ്യങ്ങളും തടിച്ചുകൂടിയവരിൽ ഒരുവൻ പകർത്തി.

Show Full Article
TAGS:Giant Python forest ranger selfie with snake bangal india news malayalam news 
News Summary - Forest Ranger Posed With Captured Python-india news
Next Story