Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightവർഗീയ പരാമർശം​; ഫോറിൻ ...

വർഗീയ പരാമർശം​; ഫോറിൻ ട്രൈബ്യൂണൽ അംഗത്തിനെതി​രെ നടപടി ആവശ്യപ്പെട്ട്​ എം.​പി

text_fields
bookmark_border
വർഗീയ പരാമർശം​; ഫോറിൻ ട്രൈബ്യൂണൽ അംഗത്തിനെതി​രെ നടപടി ആവശ്യപ്പെട്ട്​ എം.​പി
cancel

ന്യൂദല്‍ഹി: വർഗീയ പരാമർശം നടത്തിയ ആസാം ഫോറിൻ ട്രൈബ്യൂണൽ അംഗം കമലേഷ് കുമാര്‍ ഗുപ്തക്കെതി​രെ നടപടി ആവശ്യപ്പെ ട്ട്​ അബ്ദുൽ ഖലീക് എം.പി. കോവിഡ് ദുരിതാശ്വാസനിധിയിലേക്ക്​ നൽകിയ സംഭാവനക്കൊപ്പം ആരോഗ്യമന്ത്രിക്ക്​ നൽകിയ ക ത്തിലാണ്​ കമലേഷ് കുമാര്‍ ഗുപ്ത രൂക്ഷമായ വർഗീയ പരാമർശം നടത്തിയത്​​.

തങ്ങള്‍ നല്‍കുന്ന തുകയില്‍ നിന്ന് ഡല് ‍ഹിയിലെ തബ്‌ലീഗി ജമാഅത്തില്‍ പങ്കെടുത്ത ‘ജിഹാദി’കള്‍ക്കും ‘ജാഹിലു’കള്‍ക്കും ഒരു സഹായവും ചെയ്യരുതെന്നാണ് കത്തില്‍ ആവശ്യപ്പെട്ടത്​. സംസ്ഥാന ആരോഗ്യ ധനമന്ത്രി ഹിമന്ത ബിശ്വ ശര്‍മ്മയെ അഭിസംബോധന ചെയ്ത് ഏപ്രില്‍ 7 ന് എഴുതിയ കത്തിലാണ് ഇക്കാര്യം ആവശ്യപ്പെട്ടത്. ‘‘തബ്‌ലീഗ്​ ജമാഅത്തില്‍ പങ്കെടുത്ത നിയമലംഘകരായ ജിഹാദി, ജാഹിലുകളായ ആളുകള്‍ക്ക് സഹായം നല്‍കാതിരിക്കണമെന്നാണ് ഞങ്ങളുടെ ഏക പ്രാര്‍ത്ഥന. കോവിഡ് 19 വൈറസി​​െൻറ പിടിയില്‍നിന്ന് മനുഷ്യരാശിയെ രക്ഷിക്കാൻ ഞങ്ങളുടെ സംഭാവന ദയവായി സ്വീകരിക്കുക,” എന്നായിരുന്നു കത്തി​​െൻറ ഉള്ളടക്കം.

പൗരത്വം നൽകുന്നതുൾപ്പെടെ വളരെ നിർണായകമായ ഒരു വകുപ്പിൽ സേവനം ചെയ്യുന്നയാളിൽനിന്ന്​ ഇത്തരം സമീപനം പ്രതീക്ഷിച്ചിരുന്നി​െല്ലന്ന്​ അബ്ദുൽ ഖലീക് എം.പി പറഞ്ഞു. ഇത്​ കടുത്ത വർഗീയതയും ഇസ്​ലാമോഫോബിക് സ്വഭാവമുള്ളതുമാണ്​. ബക്‌സ ജില്ലയിലെ ഫോറിൻ ട്രൈബ്യൂണൽ അംഗമാണ്​ കമലേഷ് കുമാര്‍ ഗുപ്ത. ജനങ്ങളുടെ പൗരത്വം തീരുമാനിക്കുമ്പോൾ ഗുപ്തയുടെ നിഷ്പക്ഷതയെയും മതേതര വീക്ഷണത്തെയും കുറിച്ച് ഇത് സംശയം ജനിപ്പിക്കും -അദ്ദേഹം കൂട്ടിച്ചേർത്തു. ഗുപ്​തക്കെതിരെ നടപടി ആവശ്യപ്പെട്ട്​ മുഖ്യമന്ത്രി സർബാനന്ദ സോനോവലിന് എം.പി കത്തയച്ചു.

എന്നാൽ, താന്‍ എഴുതിയ ആ കത്ത് പിന്‍വലിച്ചതായും അതിന്മേല്‍ ചർച്ചക്കില്ലെന്നും ഗുപ്ത പറഞ്ഞു. സംസ്ഥാനത്തി​​െൻറയും രാജ്യത്തി​​െൻറയും സാമൂഹികവും സാമുദായികവുമായ ഐക്യത്തെ ശല്യപ്പെടുത്താൻ ഒരിക്കലും ആഗ്രഹിക്കുന്നില്ല. ഇക്കാര്യത്തിൽ ക്ഷമ ചോദിക്കുന്നു. കത്തി​​െൻറ കരട്​ മറ്റ്​ അംഗങ്ങൾക്ക്​ കാണിച്ചിരുന്നില്ലെന്നും അവരോടും ക്ഷമ ചോദിക്കുന്നുവെന്നും ഗുപ്​ത പറഞ്ഞു. ത​ാൻ നേതൃത്വം നൽകുന്ന ഫോറിൻ ട്രൈബ്യൂണലി​​െൻറ നേതൃത്വത്തിൽ 23 മുസ്‌ലിംകളെയും ഒമ്പത് ഹിന്ദുക്കളെയും “വിദേശികളല്ല” എന്ന് പ്രഖ്യാപിച്ചിട്ടുണ്ടെന്നും അദ്ദേഹം പറഞ്ഞു.

Show Full Article
TAGS:Foreigners’ Tribunal kamakumar Gupta abdul khaleeq 
News Summary - Foreigners’ Tribunal member Gupta’s ouster over “highly communal” letter
Next Story