വിദേശകാര്യ മന്ത്രി എസ്​. ജയ്​ശങ്കർ ബി.ജെ.പിയിൽ ചേർന്നു

ന്യൂഡൽഹി: ​വിദേശകാര്യമന്ത്രി ഡോ.എസ്​​. ജയ്​ശങ്കർ ഔപചാരികമായി ബി.ജെ.പിയിൽ ചേർന്നു. പാർട്ടി ദേശീയ വർക്കിങ്​ ​പ ്രസിഡൻറ്​ ജെ.പി. നദ്ദയുടെ സാന്നിധ്യത്തിൽ പാർലമ​െൻറ്​ ഹൗസിൽ വെച്ചാണ്​ ജയ്​ശങ്കർ ബി.ജെ.പി അംഗത്വം സ്വീകരിച്ചത്​.

1977 ബാച്ച്​ ഐ.എഫ്​.എസുകാരനായ ജയ്​ശങ്കർ മുൻ അംബാസഡറും വിദേശകാര്യ സെക്രട്ടറിയുമായിരുന്നു. ആറ്​ മാസത്തിനുള്ളിൽ ജയ്​ശങ്കർ പാർലമ​െൻറ്​ അംഗമാവേണ്ടതിനാൽ ബി.ജെ.പി അദ്ദേഹത്തെ ഗുജറാത്തിൽ നിന്നുള്ള​ രാജ്യസഭ സ്ഥാനാർഥിയാക്കിയേക്കും.

പ്രധാനമന്ത്രി നരേന്ദ്രമോദിയുടെ അടുത്ത സഹായിയായും​ വിദേശകാര്യങ്ങളിൽ അദ്ദേഹത്തിൻെറ ‘ക്രൈസിസ്​ മാനേജർ’ ആയിട്ടുമാണ്​ അദ്ദേഹം അറിയപ്പെടുന്നത്​.

ആദ്യ മോദി ഭരണത്തിൽ 2015 മുതൽ 2018 വരെയായിരുന്നു ജയ്​ശങ്കർ വിദേശകാര്യ സെക്രട്ടറിയായി സേവനമനുഷ്​ഠിച്ചത്​. കഴിഞ്ഞ മാർച്ചിൽ ജയ്​ശങ്കറിനെ​ രാജ്യം പത്​മശ്രീ ബഹുമതി നൽകി ആദരിച്ചിരുന്നു.