കസാഖ്​സ്​താൻ, ജപ്പാൻ, ഈജിപ്ത്, യു.കെ..; ഇന്ത്യക്ക്​ വിദേശ ഓക്​സിജൻ സഹായം തുടരുന്നു

ന്യൂഡൽഹി: ജീവവായുവിന്​ ജനം നെ​ട്ടോട്ടമോടുന്ന ഇന്ത്യയിലേക്ക്​ വിദേശരാജ്യങ്ങളിൽനിന്നുള്ള​ ഓക്​സിജൻ സഹായം തുടരുന്നു. ഏപ്രിൽ 27 മുതൽ മേയ് 15വരെ 11,058 ഓക്സിജൻ കോൺസെൻട്രേറ്ററുകളും 13,496 ഓക്സിജൻ സിലിണ്ടറുകളും 19 ഓക്സിജൻ ഉൽപാദന പ്ലാൻറുകളും 7365 വെൻറിലേറ്ററുകളും വിവിധ രാജ്യങ്ങളിൽനിന്ന്​ ഇന്ത്യയിലെത്തി.

വിവിധ വിദേശ രാജ്യങ്ങളിൽനിന്നും സംഘടനകളിൽനിന്നും ഏപ്രിൽ 27 മുതൽ കേന്ദ്രസർക്കാർ അന്താരാഷ്​ട്ര സംഭാവനകളും കോവിഡ് മെഡിക്കൽ സാമഗ്രികളും സ്വീകരിക്കുന്നുണ്ട്​. കഴിഞ്ഞ രണ്ടു ദിവസങ്ങളിലായി കസാഖ്​സ്​താൻ, ജപ്പാൻ, സ്വിറ്റ്സർലൻഡ്, ഒൻറാരിയോ (കാനഡ), യു.എസ്.എ, ഈജിപ്ത്, യു.കെ എന്നിവിടങ്ങളിൽനിന്ന് 100 ഓക്സിജൻ കോൺസെൻട്രേറ്ററുകളും 300 ഓക്സിജൻ സിലിണ്ടറുകളും വെൻറിലേറ്ററുകളും 40,000 റെംഡെസിവിറും മാസ്ക്കുകളും സുരക്ഷാ സ്യൂട്ടുകളും എത്തി. ഇതുകൂടാ​െത ലക്ഷക്കണക്കിന്​ വെൽ റെംഡെസിവിറും വിദേശരാജ്യങ്ങൾ എത്തിച്ചു.

ശനിയാഴ്​ച 75 മെട്രിക്​ ടൺ ദ്രവ മെഡിക്കൽ ഓക്​സിജൻ ഇന്ത്യയിലെത്തിച്ച കുവൈത്ത്​ ആകെ 1400​ െമട്രിക്​ ടൺ നൽകാനാണ്​ ലക്ഷ്യമിടുന്നതെന്ന്​ ഇന്ത്യയിലെ കുവൈത്ത്​ സ്ഥാനപതി ജാസിം അൽ നജ്​മ്​ വ്യക്തമാക്കി.