Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightവിവാഹശേഷമുള്ള...

വിവാഹശേഷമുള്ള നിർബന്ധിത ലൈംഗിക ബന്ധം കുറ്റ​കരമല്ലെന്ന്​ മുംബൈ കോടതി; പ്രതിക്ക്​ ജാമ്യം

text_fields
bookmark_border
court verdict
cancel

മുംബൈ: വിവാഹശേഷമുള്ള നിർബന്ധിത ലൈംഗികബന്ധം കുറ്റകരമല്ലെന്ന നിരീക്ഷണവുമായി മുംബൈ കോടതി. മുംബൈ അഡീഷണൽ സെഷൻസ്​ ജഡ്​ജി സഞ്​ജശ്രീ ജെ ഗാരട്ടി​േന്‍റതാണ്​ നിരീക്ഷണം. ഭർത്താവ്​ നിർബന്ധിത ലൈംഗിക ബന്ധത്തിലേർപ്പെട്ടുവെന്ന്​ കാണിച്ച്​​ യുവതി നൽകിയ കേസിലാണ്​ കോടതി നിരീക്ഷണം. ഭർത്താവ്​ നിയമവിരുദ്ധമായ ഒന്നും ചെയ്​തില്ലെന്നായിരുന്നു കേസ്​ പരിഗണിക്കുന്നവേളയിൽ കോടതി നിരീക്ഷണം.

നവംബർ 22നാണ്​ യുവതി വിവാഹിതയായത്​. തുടർന്ന്​ ഭർത്താവിന്‍റെ കുടുംബം തനിക്ക്​ മേൽ നിരവധി നിയന്ത്രണങ്ങൾ ഏർപ്പെടുത്തിയെന്ന് യുവതി ഹരജിയിൽ​ പറയുന്നു. ഇതിനിടെയാണ്​ ഭർത്താവ്​ സമ്മതമില്ലാതെ ലൈംഗിക ബന്ധത്തിലേർപ്പെട്ടത്​. പിന്നീട്​ മഹാബലേശ്വർ യാത്രക്കിടയിലും ഭർത്താവ്​ ഇത്​ തന്നെ ആവർത്തിച്ചു. പിന്നീട്​ ശാരീരികമായ അസ്വസ്ഥതകൾ അനുഭവപ്പെട്ടതിനെ തുടർന്ന്​ ഇവർ ഡോക്​ടറെ കാണുകയായിരുന്നു. ഡോക്​ടർ നടത്തിയ പരിശോധനയിൽ ഇവർക്ക്​ അരക്ക്​ താഴെ തളർച്ച ബാധിച്ചതായി കണ്ടെത്തി.

തുടർന്ന്​ യുവാവിനെതിരേയും കുടുംബത്തിനെതിരേയും പൊലീസിൽ പരാതി നൽകി. സ്​ത്രീധന പീഡനം ആരോപിച്ചായിരുന്നു കുടുംബാംഗങ്ങൾക്കെതിരെ പരാതി നൽകിയത്​. എന്നാൽ, യുവതിയുടെ ആരോപണങ്ങൾ തെറ്റാണെന്നും തങ്ങളെ കള്ളക്കേസിൽ കുടുക്കാനാണ്​ ശ്രമമെന്നും ഭർത്താവിന്‍റെ കുടുംബാംഗങ്ങൾ വാദിച്ചു. യുവതിയോട്​ എത്ര തുകയാണ്​ സ്​ത്രീധനമാവശ്യപ്പെട്ടതെന്ന്​ വ്യക്​തമായിട്ടില്ലെന്നും നിർബന്ധിത ലൈംഗികബന്ധം കോടതിയിൽ നിലനിൽക്കില്ലെന്നും ജഡ്​ജി വ്യക്​തമാക്കി. അതിനാൽ യുവതിയുടെ ഭർത്താവിനേയും കുടുംബാംഗങ്ങളേയും കസ്റ്റഡിയിൽ ചോദ്യം ചെയ്യേണ്ട ആവശ്യമില്ലെന്നായിരുന്നു കോടതി നിലപാട്​.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Bail
News Summary - Forced sex in marriage: Cannot call it illegal, says Mumbai court, grants bail to accused husband
Next Story